ബിനാലെ ആറാംപതിപ്പ് ​: 
ആരതി ലോഹ്യ രക്ഷാധികാരി

കൊച്ചി

കൊച്ചി - മുസിരിസ് ബിനാലെ (കെഎംബി) ആറാംപതിപ്പിന്റെ പ്ലാറ്റിനം രക്ഷാധികാരിയായി ജീവകാരുണ്യ പ്രവര്‍ത്തക ആരതി ലോഹ്യ. കെഎംബിക്ക്​ ഒരു വര്‍ഷത്തെ ഗ്രാന്റ്​ ആരതി നൽകി. സമകാലീന കലയ്ക്കുള്ള പ്രധാന ആഗോള വേദിയായി ബിനാലെയെ പരിപോഷിപ്പിക്കുന്നതില്‍ ആരതി ലോഹ്യയ്ക്കുള്ള പ്രതിബദ്ധതയാണ് ഗ്രാന്റെന്ന്​ കൊച്ചി ബിനാലെ ഫൗണ്ടേഷന്‍ (കെബിഎഫ്) പറഞ്ഞു. ലണ്ടന്‍ ആസ്ഥാനമാക്കി പ്രവര്‍ത്തിക്കുന്ന കലാപ്രവർത്തകകൂടിയാണ്​ ഇന്ത്യന്‍ വംശജയായ ആരതി ലോഹ്യ.

യുകെയിലെ എസ്​പി ലോഹ്യ ഫൗണ്ടേഷന്‍ ചെയര്‍പേഴ്സണും ഇന്ത്യയിലെ അഡ്വൈസറി ബോര്‍ഡ് ഡയറക്ടറുമാണ്. ലോകമെമ്പാടുമുള്ള മികച്ച 200 ആര്‍ട്ട് കലക്ടര്‍മാരില്‍ ഒരാളായി ആര്‍ട്ട്ന്യൂസ് 2024-ല്‍ ആരതിയെ തെരഞ്ഞെടുത്തിരുന്നു. നിഖില്‍ ചോപ്ര ക്യൂറേറ്റ് ചെയ്യുന്ന ബിനാലെ ആറാംലക്കം ഡിസംബര്‍ 12-ന്​ തുടങ്ങി 2026 മാര്‍ച്ച് 31ന് സമാപിക്കും.