കെ കെ കുഞ്ഞൻനായർ സ്മാരക മന്ദിരത്തിന്‌ 
കല്ലിട്ടു

കോലഞ്ചേരി

സിപിഐ എം ലോക്കൽ കമ്മിറ്റി അംഗവും കർഷകസംഘം നേതാവുമായിരുന്ന കെ കെ കുഞ്ഞൻനായരുടെ സ്മരണയ്‌ക്കായി നിർമിക്കുന്ന മന്ദിരത്തിന് കല്ലിട്ടു. പൂതൃക്ക പഞ്ചായത്തിലെ കറുകപ്പിള്ളിയിൽ നിർമിക്കുന്ന മന്ദിരത്തിന് സംസ്ഥാന സെക്രട്ടറിയറ്റ് അംഗം സി എൻ മോഹനൻ കല്ലിട്ടു.

സി സോമൻ അധ്യക്ഷനായി. ഏരിയ സെക്രട്ടറി കെ കെ ഏലിയാസ്, ജില്ലാ കമ്മിറ്റി അംഗം ഷിജി ശിവജി, സി കെ വർഗീസ്, എം എൻ അജിത്, എൻ വി കൃഷ്ണൻകുട്ടി, എം എൻ മോഹനൻ, എ കെ മാധവൻ, പി എസ് ഗോപാലൻ എന്നിവർ സംസാരിച്ചു. കുഞ്ഞൻനായരുടെ കുടുംബാംഗങ്ങളും പങ്കെടുത്തു. കുടുംബം സൗജന്യമായി നൽകിയ സ്ഥലത്താണ് മന്ദിരം നിർമിക്കുന്നത്.