തൊഴിലാളിസമരങ്ങൾക്ക് 
എഫ്എസ്ഇടിഒയുടെ ഐക്യദാർഢ്യം

കൊച്ചി

ഉത്തരേന്ത്യയിൽ പടരുന്ന തൊഴിലാളിസമരങ്ങൾക്ക് ഐക്യദാർഢ്യം പ്രഖ്യാപിച്ച് എഫ്എസ്ഇടിഒ ജില്ലാ കമ്മിറ്റിയുടെ നേതൃത്വത്തിൽ ജീവനക്കാരും അധ്യാപകരും ജില്ലാ, താലൂക്ക് കേന്ദ്രങ്ങളില്‍ പ്രതിഷേധ പ്രകടനവും യോഗവും നടത്തി.

കാക്കനാട് സിവിൽ സ്റ്റേഷനിൽ പ്രകടനത്തിനുശേഷം നടന്ന യോഗം എൻജിഒ യൂണിയൻ സംസ്ഥാന സെക്രട്ടറിയറ്റ് അംഗം കെ കെ സുനിൽകുമാർ ഉദ്ഘാടനം ചെയ്തു. ആലുവയിൽ ഹരി ലാൽ, കണയന്നൂരിൽ ഡി പി ദിപിൻ, മൂവാറ്റുപുഴയിൽ ഡാൽമിയ തങ്കപ്പൻ, കോതമംഗലത്ത്‌ കെ എ അൻവർ, കൊച്ചിയിൽ കെ എസ് ഷാനിൽ, പറവൂരിൽ പി ഡി സാജൻ, കുന്നത്തുനാട്ടിൽ ആർ രാജേഷ് എന്നിവർ പ്രതിഷേധ യോഗം ഉദ്ഘാടനം ചെയ്തു.