കായികമേളയിൽ വിജയം കൊയ്ത് ഫിസാറ്റ്

സാങ്കേതിക സർവകലാശാല വനിതാ ഫുട്ബോൾ മത്സരത്തിൽ വിജയികളായ ഫിസാറ്റ് ടീം ചെയർമാൻ പി ആർ ഷിമിത്തിൽനിന്ന് ട്രോഫി ഏറ്റുവാങ്ങുന്നു
അങ്കമാലി
സാങ്കേതിക സർവകലാശാല ഇന്റർസോൺ കായികമേളയിൽ വിവിധയിനങ്ങളിൽ വിജയംകൊയ്ത് അങ്കമാലി ഫിസാറ്റ് എൻജിനീയറിങ് കോളേജിന്റെ മുന്നേറ്റം. വനിതകളുടെ വിഭാഗത്തിൽ ഫുട്ബോളിലും വടംവലിയിലും പുരുഷന്മാരുടെ ക്രിക്കറ്റ്, ഫുട്ബോൾ, ടേബിൾ ടെന്നീസ് മത്സരങ്ങളിലും ജേതാക്കളായി.
നൂതനമായി വികസിപ്പിച്ച അന്തർദേശീയ ക്രിക്കറ്റ്, ഫുട്ബോൾ ഗ്രൗണ്ടുകളും രാജ്യാന്തര നിലവാരത്തിലുള്ള പരിശീലന സംവിധാനങ്ങളും കായികമുന്നേറ്റത്തിന് ഗുണകരമായെന്ന് ഫിസാറ്റ് ചെയർമാൻ പി ആർ ഷിമിത്ത് പറഞ്ഞു വിവിധ മത്സരങ്ങളിൽ ജേതാക്കളായ ഫിസാറ്റ് വിദ്യാർഥികളെ സർവകലാശാല ടീമിലേക്കു തെരഞ്ഞെടുത്തിട്ടുണ്ട്.
വിജയികളെ ചെയർമാൻ പി ആർ ഷിമിത്ത്, പ്രിൻസിപ്പൽ ഡോ. ജേക്കബ് തോമസ്, ഫിസിക്കൽ എഡ്യുക്കേഷൻ വിഭാഗം കോ–ഓർഡിനേറ്റർ അമൽ ടി ദേവ് എന്നിവരുടെ നേതൃത്വത്തിൽ അധ്യാപകരും വിദ്യാർഥികളും ചേർന്ന് അഭിനന്ദിച്ചു.









0 comments