സി പി മുഹമ്മദിന്റെ നിര്യാണത്തിൽ അനുശോചിച്ചു

കാലടി

കമ്യൂണിസ്‌റ്റ്‌ പാർടിയുടെ ശ്രീമൂലനഗരത്തെ ആദ്യകാല നേതാവ് ചാപ്ലത്ത് വീട്ടിൽ സി പി മുഹമ്മദിന്റെ നിര്യാണത്തിൽ സർവകക്ഷിയോഗം അനുശോചിച്ചു. ശ്രീമൂലനഗരം വിജയൻ സ്മാരക ഹാളിൽ ചേർന്ന യോഗത്തിൽ പഞ്ചായത്ത് പ്രസിഡന്റ്‌ പ്രിൻസി ഡേവിസ് അനുസ്‌മരണ പ്രഭാഷണം നടത്തി. വി കെ ജോഷി അധ്യക്ഷനായി. എം പി അബു അനുശോചന പ്രമേയം അവതരിപ്പിച്ചു.

എൻ സി ഉഷാകുമാരി, എം എ സംഗീർ, പി എസ് ഷാനവാസ്, കെ ജി ഹരിദാസ്, പി കെ ആസാദ്, മുരളി പുത്തൻവേലി, ടി ഐ ശശി തുടങ്ങിയവർ സംസാരിച്ചു. സി പി മുഹമ്മദ്‌ സിപിഐ എം ശ്രീമൂലനഗരം ഈസ്റ്റ് ബ്രാഞ്ച്‌ സെക്രട്ടറി, നിർമാണ തൊഴിലാളി യൂണിയൻ പഞ്ചായത്ത് കമ്മിറ്റി അംഗം, ഈറ്റ -കാട്ടുവള്ളി -തഴ, തൊഴിലാളി നേതാവ്, തൊഴിലുറപ്പ് തൊഴിലാളി യൂണിയൻ പഞ്ചായത്ത് കമ്മിറ്റി അംഗം, കോൽക്കളി കലാകാരൻ, ഇഷ്ടിക നിർമാണ തൊഴിലാളി യൂണിയൻ നേതാവ്, 10 വർഷം ശ്രീമൂലനഗരം പഞ്ചായത്തംഗം എന്നീ നിലകളിൽ സേവനമനുഷ്ഠിച്ചിട്ടുണ്ട്.