ജില്ലാ സ്‌കൂൾ കലോത്സവ കിരീടം 
നാലാംതവണയും 
എറണാകുളം ഉപജില്ലയ്‌ക്ക്‌

കപ്പ്‌ എറണാകുളം തൂക്കി

District School Kalolsavam

ജില്ലാ സ്കൂള്‍ കലോത്സവത്തില്‍ വിജയികളായ 
എറണാകുളം ഉപജില്ല ടീം

വെബ് ഡെസ്ക്

Published on Nov 30, 2025, 01:55 AM | 1 min read

കൊച്ചി


ജില്ലാ കലോത്സവ കിരീടം ചൂടി എറണാകുളം ഉപജില്ല. 1010 പോയിന്റുമായി തുടർച്ചയായ നാലാംതവണയാണ് കിരീടനേട്ടം. ആദ്യദിനംമുതൽ വ്യക്തമായ ലീഡോടെയായിരുന്നു കുതിപ്പ്.

933 പോയിന്റുമായി ആലുവ ഉപജില്ല രണ്ടാംസ്ഥാനത്തെത്തി. 926 പോയിന്റുമായി നോർത്ത് പറവൂറാണ് മൂന്നാംസ്ഥാനത്ത്.


സ്കൂളുകളിൽ എറണാകുളം സെന്റ്‌ തെരേസാസ് സിജിഎച്ച്എസ്‌എസും ആലുവ വിദ്യാധിരാജ വിദ്യാഭവൻ എച്ച്എസ്എസും 296 പോയിന്റുമായി ഒപ്പത്തിനൊപ്പമാണ്. വിധികർത്താവിനെ ചൊല്ലിയുള്ള തർക്കത്തെ തുടർന്ന് ഡിസംബർ രണ്ടിലേക്ക് മാറ്റിയ ബാൻഡ്‌മേളംകൂടി നടന്നാൽ പോയിന്റ്‌ നിലയിൽ മാറ്റമുണ്ടാകും. സ്കൂൾ ചാമ്പ്യൻമാരെ ഔദ്യോഗികമായി പ്രഖ്യാപിച്ചിട്ടില്ല. മൂവാറ്റുപുഴ സെന്റ്‌ അഗസ്റ്റിൻസ് ഗേൾസ് എച്ച്എസ്എസ് (-262), എടവനക്കാട് ഹിദായത്തുൽ ഇസ്ലാം എച്ച്എസ്എസ് (-217) സ്‌കൂളുകൾ തൊട്ടുപിന്നിലുണ്ട്‌.


കച്ചേരിപ്പടി സെന്റ്‌ ആന്റണീസ് എച്ച്എസ്എസിൽ നടന്ന സമാപന സമ്മേളനം ഡിഡിഇ സുബിൻ പോൾ ഉദ്ഘാടനം ചെയ്തു. വിജയികൾക്ക് ട്രോഫികൾ സമ്മാനിച്ചു. വിഎച്ച്എസ്ഇ അസിസ്‌റ്റന്റ്‌ ഡയറക്ടർ പി നവീന അധ്യക്ഷയായി.


​അറബിക് കലോത്സവം യുപി വിഭാഗത്തിൽ പെരുമ്പാവൂര്‍, വൈപ്പിന്‍, മട്ടാഞ്ചേരി, നോര്‍ത്ത് പറവൂര്‍, കോലഞ്ചേരി, മൂവാറ്റുപുഴ, കോതമംഗലം ഉപജില്ലകള്‍ 65 പോയിന്റോടെ ഒന്നാംസ്ഥാനം പങ്കിട്ടു. സ്‌കൂളുകളില്‍ ഞാറള്ളൂര്‍ ബെത്‌ലഹേം ദയറ എച്ച്എസാണ്‌ വിജയി. എച്ച്എസ് വിഭാഗത്തില്‍ പെരുമ്പാവൂര്‍ ഉപജില്ല ചാമ്പ്യന്മാരായി. സ്കൂളുകളിൽ 78 പോയിന്റുമായി കുറ്റിപ്പുഴ ക്രിസ്തുരാജ് എച്ച്എസാണ് ചാമ്പ്യന്‍.


സംസ്‌കൃതോത്സവം യുപി വിഭാഗത്തിൽ ആലുവ, അങ്കമാലി ഉപജില്ലകള്‍ 88 പോയിന്റുമായി കിരീടം പങ്കിട്ടു. സ്‌കൂളുകളില്‍ മൂവാറ്റുപുഴ വിവേകാനന്ദ വിദ്യാലയം 63 പോയിന്റുമായി മുന്നിലെത്തിയപ്പോള്‍ 60 പോയിന്റ് വീതം നേടി മട്ടാഞ്ചേരി ടിഡി എച്ച്എസ്, ആലുവ വിദ്യാധിരാജ വിദ്യാഭവന്‍ ഇഎംഎച്ച്എസ് എന്നിവ രണ്ടാംസ്ഥാനം പങ്കിട്ടു. ഹൈസ്‌കൂള്‍ വിഭാഗത്തില്‍ ആലുവ 93 പോയിന്റോടെ ചാമ്പ്യന്മാരായി. സ്‌കൂളുകളില്‍ 83 പോയിന്റുമായി ആലുവ വിദ്യാധിരാജ വിദ്യാഭവന്‍ ഇഎംഎച്ച്എസാണ് ചാമ്പ്യൻ.



deshabhimani section

Related News

View More
0 comments
Sort by

Deshabhimani

Subscribe to our newsletter

Quick Links


Home