മാധ്യമവിലക്കിൽ മോദിയും സതീശനും ഒരുപോലെ: എം വി ജയരാജൻ

മൂവാറ്റുപുഴ

നരേന്ദ്രമോദി സർക്കാർ ചില മാധ്യമങ്ങൾക്ക് വിലക്കേർപ്പെടുത്താൻ നോക്കുന്നതുപോലെയാണ് വി ഡി സതീശന്റെ നീക്കമെന്ന് സിപിഐ എം സംസ്ഥാന സെക്രട്ടറിയറ്റ് അംഗം എം വി ജയരാജൻ. ‘ഹിന്ദുത്വ കോർപറേറ്റ് അജൻഡയും മാധ്യമപ്രതിരോധവും’ വിഷയത്തി

ൽ നടന്ന ദേശാഭിമാനി മാധ്യമ സെമിനാർ ഉദ്‌ഘാടനം ചെയ്യുകയായിരുന്നു അദ്ദേഹം.

​ബിജെപിയുടെ ഇഷ്ടത്തിനനുസരിച്ച് വാർത്ത നൽകുന്ന മാധ്യമങ്ങളെ കോർപറേറ്റുകൾ വാങ്ങിയിട്ടുണ്ടെങ്കിൽ അത്തരം കോർപറേറ്റുകൾ മോദിയുടെ കൈപ്പിടിയിലാണ്. ഇന്ത്യയിൽ മാധ്യമങ്ങളുമായി സംവദിക്കാൻ തയ്യാറാകാത്തയാളാണ് മോദി. വാർത്താസമ്മേളനം അലോസരപ്പെടുത്തുന്ന വി ഡി സതീശനും വ്യത്യസ്തനല്ല. പാതി ബിജെപിയും പാതി കോൺഗ്രസുമാണ് സതീശനെന്നും അദ്ദേഹം പറഞ്ഞു.