കുസാറ്റ് സമരം: റിലേ ഉപവാസം തുടങ്ങി

കളമശേരി

സർവകലാശാലയിലെ നാല് ഉദ്യോഗസ്ഥരുടെ സസ്പെൻഷൻ പിൻവലിക്കണമെന്നാവശ്യപ്പെട്ട് കൊച്ചിൻ യൂണിവേഴ്സിറ്റി എംപ്ലോയീസ് അസോസിയേഷൻ നടത്തുന്ന അനിശ്ചിതകാല സമരം 30–-ാം ദിവസത്തിലേക്ക് കടന്നു. സമരം ശക്തമാക്കുന്നതിന്റെ ഭാഗമായി റിലേ ഉപവാസം ആരംഭിച്ചു.

സി ആർ ബിന്ദു, ജിനു സേവ്യർ എന്നിവരാണ് ആദ്യദിവസം സമരം നടത്തുന്നത്. ​ സമരം കെഎസ്ടിഎ സംസ്ഥാന സെക്രട്ടറിയറ്റംഗം കെ ജെ ഷൈൻ ഉദ്ഘാടനം ചെയ്തു. കുഫോസ് എംപ്ലോയീസ് അസോസിയേഷൻ പ്രസിഡന്റ് രാജു കുര്യൻ, ആർ അനിൽകുമാർ സി എസ് സോണിയ, പി ടി പ്രഭാകരൻ എന്നിവർ സംസാരിച്ചു.