ആർടി ഓഫീസിന്റെ കോൺക്രീറ്റ് 
സീലിങ് അടർന്നുവീണു

കാക്കനാട്

സിവിൽ സ്റ്റേഷനിലെ ആർടി ഓഫീസിന്റെ കോൺക്രീറ്റ് സീലിങ്ങിന്റെ ഭാഗം അടർന്നുവീണു. ബുധൻ വൈകിട്ട് നാലോടെയായിരുന്നു സംഭവം. സീലിങ് തകർന്നുവീണ ഭാഗത്ത് ജീവനക്കാർ ഇല്ലാതിരുന്നതിനാൽ അപകടം ഒഴിവായി.​

ആർടി ഓഫീസിന്റെ പല ഭാഗത്തും സീലിങ് ജീർണിച്ച നിലയിലാണെന്ന്‌ ജീവനക്കാർ പറഞ്ഞു. മഴക്കാലത്ത് മേൽക്കൂരയിലൂടെ വെള്ളം ഒലിച്ചിറങ്ങുന്നത് ചുവരുകളെയും കോൺക്രീറ്റ് സീലിങ്ങുകളെയും കൂടുതൽ ദുർബലമാക്കി. ശുചിമുറിഭാഗത്ത്‌ ചോർച്ച കൂടുതലാണ്‌. കെട്ടിടങ്ങളുടെ സുരക്ഷ ഉറപ്പാക്കാൻ അടിയന്തര പരിശോധനയും അറ്റകുറ്റപ്പണികളും നടത്തണമെന്ന ആവശ്യം ഉയർന്നിട്ടുണ്ട്.