കാറുകൾ കൂട്ടിയിടിച്ചു; 
രണ്ടുപേർക്ക് പരിക്ക്

പിറവം

മൂവാറ്റുപുഴ റോഡിൽ ഓണക്കൂറിനും പുതുശേരിപ്പടിക്കും ഇടയിൽ കാറുകൾ കൂട്ടിയിടിച്ച് രണ്ടുപേർക്ക് പരിക്ക്. തിരുവാണിയൂർ സ്വദേശി ഒ ടി ശശി (65), തൃശൂർ തൈക്കാട്ട് അക്ഷയ് എന്നിവർക്കാണ് പരിക്കേറ്റത്. ബുധൻ രാവിലെ 10ന്‌ പൊന്നാട്ട് വളവിലായിരുന്നു അപകടം.

പിറവത്തേക്ക് പോകുകയായിരുന്ന കാറും അഞ്ചൽപ്പെട്ടിയിലേക്ക് വരികയായിരുന്ന കാറുമാണ് കൂട്ടിയിടിച്ചത്. രണ്ട് വാഹനങ്ങളുടെയും മുൻഭാഗം പൂർണമായും തകർന്നു. ഗുരുതരമായി പരിക്കേറ്റ ഒ ടി ശശിയെ ആദ്യം ആരക്കുന്നം എ പി വർക്കി മിഷൻ ആശുപത്രിയിലും പിന്നീട് എറണാകുളത്തെ സ്വകാര്യ ആശുപത്രിയിലും പ്രവേശിപ്പിച്ചു.

പരിക്കേറ്റ അക്ഷയ് പിറവം താലൂക്കാശുപത്രിയിൽ പ്രാഥമിക ചികിത്സ തേടി. തകർന്ന കാറുകളുടെ ടാങ്കിൽനിന്ന്‌ ഇന്ധനം റോഡിലേക്ക് ചോർന്നൊഴുകിയത് പിറവം അഗ്നി രക്ഷാസേന വൃത്തിയാക്കി.