Deshabhimani

ജനുവരിമുതൽ പുതിയ പരിഷ്കാരം

സ്വകാര്യ ബസുകളുടെ സമയക്രമം പുതുക്കും

Bus Time Reschedule
വെബ് ഡെസ്ക്

Published on Nov 18, 2026, 01:49 AM | 1 min read

കാക്കനാട്

അമിതവേഗവും മത്സരയോട്ടവും ഒഴിവാക്കി സുരക്ഷിത യാത്ര ഉറപ്പാക്കാൻ ജില്ലയിലെ സ്വകാര്യ സിറ്റി ബസുകളുടെ സമയക്രമം പരിഷ്കരിക്കുന്നു. ഡിസംബർ ആദ്യവാരം ബസ് ഉടമകളുമായും തൊഴിലാളി സംഘടനകളുമായും ചർച്ച നടത്തും. ജനുവരിമുതൽ പുതിയ സമയക്രമം നടപ്പാക്കാനാണ് മോട്ടോർ വാഹനവകുപ്പിന്റെ നീക്കം. ​ഹൈക്കോടതി ഉത്തരവിനെത്തുടർന്ന് ആർടിഒ നടത്തിയ ജിപിഎസ് അധിഷ്ഠിത പരിശോധനയെ തുടർന്നാണ്‌ യാത്രാസമയം വർധിപ്പിക്കണമെന്ന ശുപാർശ.


മെട്രോ, ദേശീയപാത നിർമാണം, റോഡ് അറ്റകുറ്റപ്പണികൾ, ഗതാഗതക്കുരുക്ക് എന്നിവ കാരണം സർവീസുകൾ വൈകുന്നതും ഇത് മറികടക്കാൻ ബസുകൾ അമിതവേഗത്തിൽ ഓടുന്നതും പരിശോധനയിൽ കണ്ടെത്തി. ​രാവിലെ എട്ടുമുതൽ 10.30 വരെയും വൈകിട്ട് 4.30 മുതൽ 7.30 വരെയും കിലോമീറ്ററിന് 3.5 മുതൽ നാലു മിനിറ്റുവരെ യാത്രാസമയം അനുവദിക്കാനാണ് നിർദേശം. മറ്റുസമയങ്ങളിൽ മൂന്നുമുതൽ 3.5 മിനിറ്റുവരെയും അനുവദിക്കും. ​


പാലാരിവട്ടം–കാക്കനാട്–ഇൻഫോപാർക്ക് റൂട്ടിൽ നിലവിലെ 28.5 മിനിറ്റ് യാത്രാസമയം 31 മുതൽ 38 മിനിറ്റായി ഉയർത്തും. ഓരോ ട്രിപ്പിനുശേഷവും 15 മുതൽ 20 മിനിറ്റുവരെ വിശ്രമസമയവും നിർദേശിച്ചിട്ടുണ്ട്. തുടർച്ചയായ അഞ്ചുമണിക്കൂർ ഡ്രൈവിങ്ങിനുശേഷം ജീവനക്കാർക്കും വിശ്രമം ഉറപ്പാക്കും. ​ജില്ലയിലെ 1,080 സ്വകാര്യ ബസുകളിൽ 480 ഓളം സിറ്റി ബസുകളുടെ സമയക്രമമാണ് ആദ്യഘട്ടത്തിൽ പരിഷ്കരിക്കുക. കെഎസ്ആർടിസി, കൊച്ചി മെട്രോ, നാറ്റ്പാക്, ട്രാഫിക് പൊലീസ് എന്നിവയുമായി ചർച്ചനടത്തിയാകും അന്തിമ ക്രമീകരണം.



deshabhimani section

Related News

View More
0 comments
Sort by

Deshabhimani
Home