അനധികൃത സ്ഥലംമാറ്റത്തിനെതിരെ 
ബെഫി ധർണ നടത്തി

​കൊച്ചി

സംസ്ഥാന കാർഷിക വികസന ബാങ്കിൽ നടക്കുന്ന മാനദണ്ഡവിരുദ്ധവും മനുഷ്യത്വരഹിതവുമായ സ്ഥലംമാറ്റത്തിനെതിരെ ബെഫി ജില്ലാ കമ്മിറ്റിയുടെ നേതൃത്വത്തിൽ സംസ്ഥാന കാർഷിക വികസന ബാങ്കിന്റെ എറണാകുളം റീജണൽ ഓഫീസിനുമുന്നിൽ പ്രതിഷേധ ധർണ സംഘടിപ്പിച്ചു. ബെഫി ദേശീയ പ്രസിഡന്റ്‌ എസ് എസ് അനിൽ ഉദ്ഘാടനം ചെയ്തു. സംസ്ഥാന ജോയിന്റ് സെക്രട്ടറി അനുജ ഷംസുദീൻ, കാർഷിക വികസന ബാങ്ക് എംപ്ലോയീസ് യൂണിയൻ ജില്ലാ കമ്മിറ്റി അംഗം വി ഒ സത്യജിത്, ബെഫി ജില്ലാ പ്രസിഡന്റ്‌ കെ പി സുശീൽകുമാർ, വൈസ് പ്രസിഡന്റ്‌ വി വിമൽ എന്നിവർ സംസാരിച്ചു.