മാലിന്യത്തിനും പുൽക്കാടിനും തീപിടിച്ചു

ചേർത്തല

നഗരത്തിൽ ആളൊഴിഞ്ഞ പുരയിടത്തിൽ പ്ലാസ്‌റ്റിക് മാലിന്യത്തിനും പുൽക്കാടിനും തീപിടിച്ചു. ചൊവ്വ വൈകിട്ട് ആറരയോടെ കോടതിക്കവലയ്‌ക്ക്‌ പടിഞ്ഞാറ്‌ ചുറ്റുമതിലുള്ള സ്വകാര്യവ്യക്‌തിയുടെ പുരയിടത്തിലാണ്‌ തീപിടിച്ചത്‌. ​തീപടർന്നതോടെ പ്രദേശത്ത് മുഴുവനും പുകനിറഞ്ഞതിനാൽ ചുറ്റുവട്ടമാകെ പരിഭ്രാന്തിയിലായി. അഗ്നിരക്ഷാസേന തീയണച്ചതിനാൽ പരിസരത്തേക്ക് പടർന്നില്ല. രണ്ട് യൂണിറ്റ് സേന അരമണിക്കൂറോളം വെള്ളം പമ്പുചെയ്‌താണ്‌ തീയണച്ചത്‌. സംഭവം അറിഞ്ഞ്‌ വിവിധയിടങ്ങളിൽനിന്ന് ആളുകൾ എത്തിയതോടെ കോടതിക്കവലയിൽ തിരക്ക്‌ നേരിട്ടു.