മേരി ആന്റണിയുടെ വീട്‌ എം എ ബേബി സന്ദർശിച്ചു

കൊച്ചി

അഭിനേത്രിയും അനശ്വര നാടക, സിനിമാ കലാകാരൻ പി ജെ ആന്റണിയുടെ ഭാര്യയുമായ മേരി ആന്റണിയുടെ നിര്യാണത്തിൽ അനുശോചിച്ച്‌ സിപിഐ എം ജനറൽ സെക്രട്ടറി എം എ ബേബി അവരുടെ വസതിയിലെത്തി. ഭാര്യ ബെറ്റി ലൂയിസ്‌ ബേബിയും ഒപ്പമുണ്ടായിരുന്നു. മേരി ആന്റണിയുടെ മകൾ എലിസബത്ത്‌ ഇരുവരെയും സ്വീകരിച്ചു.

പുരോഗമന കലാ സാഹിത്യസംഘം ജില്ലാ സെക്രട്ടറി സഹീർ അലി, സിപിഐ എം ഏരിയ കമ്മിറ്റിയംഗം എൻ സതീഷ്‌ എന്നിവരും ഒപ്പമുണ്ടായിരുന്നു.