ലേബർ കോഡുകൾ പിൻവലിക്കുക

കൊച്ചി

തൊഴിലാളിവിരുദ്ധ ലേബർ കോഡുകൾ പിൻവലിക്കണമെന്ന്‌ കേരള ഓട്ടോമൊബൈൽ സെയിൽസ് ആൻഡ്‌ സർവീസ് എംപ്ലോയീസ് അസോസിയേഷൻ (സിഐടിയു) ജില്ലാ സമ്മേളനം ആവശ്യപ്പെട്ടു. കെ കെ റിയാസ്,- രശ്മി സുനിൽ നഗറിൽ (എറണാകുളം ആശിർഭവൻ) ചേർന്ന സമ്മേളനം സിഐടിയു സംസ്ഥാന കമ്മിറ്റി അംഗം കെ വി മനോജ് ഉദ്ഘാടനംചെയ്തു.

യൂണിയൻ ജില്ലാ പ്രസിഡന്റ് എ ജി ഉദയകുമാർ അധ്യക്ഷനായി. കെ എൻ സുനിൽകുമാർ രക്തസാക്ഷിപ്രമേയവും എം ജെ ജോസ്‌ലീന അനുശോചനപ്രമേയവും അവതരിപ്പിച്ചു. ജില്ലാ സെക്രട്ടറി യു കെ ഷാജി പ്രവർത്തന റിപ്പോർട്ടും ട്രഷറർ എ ബി രാജേഷ് കണക്കും സംസ്ഥാന ജനറൽ സെക്രട്ടറി എ കെ രജീഷ് ബാബു സംഘടനാ റിപ്പോർട്ടും അവതരിപ്പിച്ചു. സംസ്ഥാന വൈസ് പ്രസിഡന്റ് മോൻസി പോൾ, ട്രഷറർ പി സന്തോഷ് കുമാർ, പി ബി പ്രസാദ്, ആനന്ദ് പി ചിറയത്ത് എന്നിവർ സംസാരിച്ചു.

ഭാരവാഹികൾ: എ ജി ഉദയകുമാർ (പ്രസിഡന്റ്‌), കെ എൻ സുനിൽകുമാർ, പി എം ബെൻസി (വൈസ്‌ പ്രസിഡന്റുമാർ), യു കെ ഷാജി (സെക്രട്ടറി), പി ബി പ്രസാദ്‌, നെൽസൺ ജോസഫ്‌ (ജോയിന്റ്‌ സെക്രട്ടറിമാർ), രാജേഷ് എബി (ട്രഷറർ).