എ പി അനുസ്മരണപ്രഭാഷണം തുറവൂരിൽ ഇന്ന്

അങ്കമാലി

എ പി കുര്യന്റെ 25-–ാം വാർഷിക അനുസ്മരണത്തിന്റെ ഒരുമാസക്കാലം നീളുന്ന പരിപാടികളുടെ ഭാഗമായി ശനിയാഴ്ച എ പി സ്മാരകപ്രഭാഷണം ‘വിൽക്കപ്പെടുന്ന കേരളം, തകരുന്ന ജനാധിപത്യം’ വിഷയത്തിൽ തുറവൂർ തലക്കോട്ടുപറമ്പിൽ കെകെ ഓഡിറ്റോറിയത്തിൽ നടക്കും. വൈകിട്ട് അഞ്ചിന് സിപിഐ എം സംസ്ഥാന കമ്മിറ്റി അംഗം എം ബി രാജേഷ് പ്രഭാഷണം നടത്തും.

എ പി കുര്യൻ പഠനകേന്ദ്രമാണ് സംഘാടകർ. എ പി സ്മാരക ട്രസ്റ്റും എൽഎഫ് ആശുപത്രിയും സഹകരിച്ച് നടത്തുന്ന സൗജന്യ മെഗാമെഡിക്കൽ ക്യാമ്പ് ഞായർ രാവിലെ എട്ടുമുതൽ ഒന്നുവരെ അയ്യമ്പുഴ അമലാപുരത്തെ മരിയാഭവൻ സ്കൂളിൽ നടക്കും. കനിവ് പാലിയേറ്റീവ് സൊസൈറ്റി ജില്ലാ ചെയർമാൻ എസ് സതീഷ് ഉദ്ഘാടനം ചെയ്യും.