‘അർജന്റീന’ യെ കീഴടക്കി ‘ബ്രസീൽ’

കാഞ്ഞങ്ങാട് ലോകകപ്പ് ഫുട്ബോളിന്റെ വരവറിയിച്ച്‌ ബ്രസീൽ, അർജന്റീന ടീമുകളുടെ ആരാധകരായി ഗ്ര‍‍ൗണ്ടിലിറങ്ങിയ അജാനൂർ പഞ്ചായത്തംഗങ്ങളും ജീവനക്കാരും സൗഹൃദ ഫുട്ബോൾ മത്സരത്തിൽ മാറ്റുരച്ചു. ​പടിഞ്ഞാറേക്കര ടർഫ് ഗ്രൗണ്ടിൽ സംഘടിപ്പിച്ച വാശിയേറിയ മത്സരത്തിൽ ‘ബ്രസീൽ’ ടീമിനായി പഞ്ചായത്തംഗങ്ങളും ‘അർജന്റീന’ക്കായി ജീവനക്കാരും കളത്തിലിറങ്ങി. ഒന്നിനെതിരെ ആറ് ഗോളുകൾക്ക് ‘അർജന്റീന’യെ കീഴടക്കി ‘ബ്രസിൽ’ ജേതാക്കളായി. ‘ബ്രസീലിനെ’ പ്രതിനിധീകരിച്ച പഞ്ചായത്ത് മൂന്നാം വാർഡ് മെമ്പർ കൂടിയായ എ തമ്പാൻ മികച്ച കളിക്കാരനായി. വനിതകൾക്കായി പ്രത്യേക ഷൂട്ടൗട്ട് മത്സരവും സംഘടിപ്പിച്ചു. പഞ്ചായത്ത് പ്രസിഡന്റ്‌ വി വി തുളസി ഉദ്ഘാടനംചെയ്‌തു. വൈസ് പ്രസിഡന്റ്‌ മൂലക്കണ്ടം പ്രഭാകരൻ, അസി. സെക്രട്ടറി ടി ഷൈജു എന്നിവർ സംസാരിച്ചു.