മംഗലാംകുന്ന് ഗണേശൻ ചരിഞ്ഞു

ശ്രീകൃഷ്ണപുരം

മംഗലാംകുന്ന് ഗണേശൻ ആന ചരിഞ്ഞു. 57 വയസ്സായിരുന്നു. ജൂലൈ 12ന് റോഡിലൂടെ നടക്കുന്നതിനിടയിൽ ആന പെട്ടെന്ന് കുഴഞ്ഞുവീണിരുന്നു. തുടർന്ന് മംഗലാംകുന്നിലെ ആനത്തറിയിലെത്തിച്ച് വിദഗ്‌ധ ചികിത്സ നൽകുന്നതിനിടെ ശനി രാവിലെ ഏഴിനാണ്‌ ചരിഞ്ഞത്‌. വൈകിട്ടോടെ വാളയാർ വനത്തിൽ സംസ്കരിച്ചു. ​മംഗലാംകുന്ന് അങ്ങാടിയിൽ എം എ പരമേശ്വരൻ, സഹോദരൻ ഹരിദാസ് എന്നിവരുടെ ആനയായ ഗണേശന്‌ ആരാധകർ ഏറേയുണ്ടായിരുന്നു. പാലക്കാട്‌, തൃശൂർ ജില്ലകളിലെ ക്ഷേത്ര ഉത്സവങ്ങളിൽ സാന്നിധ്യമായിരുന്നു.