പൂച്ചയെ കൊന്ന് ഇൻസ്റ്റാഗ്രാം സ്റ്റോറി, യുവാവിനെതിരെ കേസ്​

പൂച്ചയെ കൊന്ന് ഇൻസ്റ്റാഗ്രാം സ്റ്റോറി, യുവാവിനെതിരെ കേസ്​

ചെർപ്പുളശേരി പൂച്ചയെ കഴുത്തറുത്ത് കൊന്ന് ഇൻസ്റ്റാഗ്രാമിൽ വീഡിയോയിട്ടയാളുടെ പേരിൽ പൊലീസ്​ കേസെടുത്തു. ചെർപ്പുളശേരി മഠത്തിപ്പറമ്പ് സ്വദേശി ഷജീറിനെതിരെ(32) യാണ്​ കേസ്​. ഷജീർ ടൂൾ എന്ന ഇൻസ്റ്റാഗ്രാം പ്രൊഫൈലിലാണ് സ്റ്റോറിയിട്ടത്. ലോറി ഡ്രൈവറാണ്​ ഇയാൾ. ലോറിയുടെ ഡ്രൈവർ ക്യാബിനിൽ പൂച്ചയയ്​ക്ക് ഭക്ഷണം നൽകുന്നതും പിന്നീട് അതിനെ കഴുത്തറുത്തുകൊന്ന് തലയും ശരീരവും അവയവങ്ങളും വേർതിരിച്ചുവച്ചതുമാണ്​ പ്രചരിപ്പിച്ചത്​. ഇത്​ കണ്ടവരാണ്​ പൊലീസിൽ അറിയിച്ചത്​. മൃഗസംരക്ഷണ നിയമപ്രകാരമാണ്​ കേസ്​. ഇയാളെ ജാമ്യത്തിൽ വിട്ടു.