ഉറൂബ് കഥാ പുരസ്‌കാരം ഷിബുദാസ് വേങ്ങേരിക്ക്

കോഴിക്കോട്

പ്രശസ്ത സാഹിത്യകാരന്‍ ഉറൂബിന്റെ സ്മരണാർഥം മലയാള സാഹിത്യപഥം ഏര്‍പ്പെടുത്തിയ ഉറൂബ് പുരസ്‌കാരം ഷിബുദാസ് വേങ്ങേരിയുടെ ‘മഴപ്പാതകള്‍' എന്ന കഥാസമാഹാരത്തിന്. 10,001 രൂപയും ശിൽപ്പവും പ്രശസ്തിപത്രവു പുരസ്‌കാരം 12ന് പകൽ മൂന്നിന് പൊന്നാനി എം ഐ ട്രെയിനിങ്‌ കോളേജ് ഓഡിറ്റോറിയത്തില്‍ നടക്കുന്ന ഉറൂബ് സ്മൃതി സാഹിത്യ സമ്മേളനത്തില്‍വച്ച് സമ്മാനിക്കും. ഇ ആര്‍ ഉണ്ണി, പി ടി നിസാര്‍, നിർമല അമ്പാട്ട് എന്നിവരടങ്ങിയ ജൂറിയാണ് ജേതാവിനെ തെരഞ്ഞെടുത്തത്. കേരള സ്റ്റേറ്റ് ഇലക്ട്രിസിറ്റി ബോര്‍ഡില്‍നിന്നും വിരമിച്ച ഷിബുദാസ് കോഴിക്കോട് ജില്ലയിലെ വേങ്ങേരി സ്വദേശിയാണ്. ചേളന്നൂരിലാണ് താമസം.