ചുരത്തിൽ മരംവീണ്‌ ഗതാഗതം തടസ്സപ്പെട്ടു

താമരശേരി ചുരത്തിൽ ചിപ്പിലിത്തോടിന് സമീപം മരംവീണ്‌ ഗതാഗതം തടസ്സപ്പെട്ടു. ശനി രാവിലെ ഒന്പതോടെയാണ്‌ അപകടം. ചുരം ബ്രിഗേഡ്‌സ്‌ പ്രവർത്തകരും പൊലീസും വനം വകുപ്പ്‌ ഉദ്യോഗസ്ഥരുമെത്തി മരം മുറിച്ചുമാറ്റി പകൽ പതിനൊന്നോടെ ഗതാഗതം പുനഃസ്ഥാപിച്ചു. അതുവരെ ഒറ്റവരിയായി വാഹനങ്ങൾ കടത്തിവിട്ടു. 1.30 ഓടെ ആറാം വളവിൽ ലോറി കുടുങ്ങിയതിനെ തുടർന്ന്‌ വീണ്ടും ഗതാഗതം തടസ്സപ്പെട്ടു.