മുക്കം നഗരസഭയിൽ രണ്ടിടത്ത് ഓപ്പൺ ജിം

മുക്കം നഗരസഭ വാർഷിക പദ്ധതിയിലുൾപ്പെടുത്തി അഞ്ചുലക്ഷം രൂപ ചെലവിൽ മാമ്പറ്റയിലും കാഞ്ഞി രമുഴിയിലും ഓപ്പൺ ജിം ആരംഭിച്ചു. ഈ സാമ്പത്തിക വർഷം വിദ്യാലയങ്ങളിൽ പദ്ധതി നടപ്പിലാക്കും. മാമ്പറ്റയിൽ നഗരസഭ ചെയർമാൻ പി ടി ബാബു ഉദ്ഘാടനം ചെയ്തു. ഡെപ്യൂട്ടി ചെയർപേഴ്സൻ കെ പി ചാന്ദ്നി അധ്യക്ഷയായി. സ്ഥിരം സമിതി അധ്യക്ഷരായ പ്രജിത പ്രദീപ്, ഇ സത്യനാരായണൻ, കൗൺസിലർമാരായ വസന്തകുമാരി, എം വി രജനി, അശ്വതി സനൂജ്, കെ ബിന്ദു, ബിജുന, ജോഷില സന്തോഷ്, നൗഫൽ മല്ലശ്ശേരി, നീലേശ്വരം ഹയർ സെക്കൻഡറി സ്കൂൾ പ്രിൻസിപ്പൽ എം കെ ഹസീല എന്നിവർ സംസാരിച്ചു.