വന്യജീവികൾക്കും ഇനി 'സർപ്പ'

കൊല്ലം : പാമ്പുകൾക്ക്‌ മാത്രമല്ല ഇനി സർപ്പ ആപ്പ്‌, വന്യജീവികളെ കണ്ടാലും സർപ്പയിൽ അറിയിക്കാം. വന്യജീവി-–-മനുഷ്യ സംഘർഷം അടിക്കടി വർധിക്കുന്ന സാഹചര്യത്തിൽ ഹൈടെക്​ തന്ത്രങ്ങളിലൂടെ പ്രതിരോധമൊരുക്കാനാണ്‌ വനം, വന്യജീവി വകുപ്പ് ലക്ഷ്യം​. ഇതിന്റെ ഭാഗമായാണ്‌ നിലവിലെ സ്​നേക്​ അവയർനെസ്​ റെസ്ക്യൂ ആൻഡ്​​ പ്രൊട്ടക്ഷൻ (സർപ്പ) ആപ്​ പരിഷ്‌കരിക്കുന്നത്‌. ‘വൈൽഡ്‌ വാച്ച്‌’ എന്ന പേരിൽ ഒരുക്കുന്ന ആപ്പും സർപ്പയും ചേർന്നാകും ഇനി പ്രവർത്തനം. പുതുക്കിയ ആപ്പിന്റെ ട്രയൽറൺ നടക്കുകയാണിപ്പോൾ.