ഡൽഹി സമരത്തിന്‌ ജീവനക്കാരുടെ ഐക്യദാർഢ്യം

കോട്ടയം - ന്യൂഡൽഹിയിലെ വിദ്യാർഥി പ്രക്ഷോഭത്തിന് ഐക്യദാർഢ്യം പ്രഖ്യാപിച്ച് അധ്യാപകരും ജീവനക്കാരും എഫ്എസ്ഇടിഒ നേതൃത്വത്തിൽ ജില്ലാ കേന്ദ്രങ്ങളിൽ പ്രകടനം നടത്തി. കോട്ടയം കലക്ടറേറ്റിൽ നടന്ന പ്രകടനം കെജിഒഎ സംസ്ഥാന കമ്മിറ്റിയംഗം എൻ എസ് ഷൈൻ ഉദ്ഘാടനംചെയ്തു. എംജിയുഇഎ വൈസ് പ്രസിഡന്റ്‌ എസ്‌ അനൂപ് അധ്യക്ഷനായി. എൻജിഒ യൂണിയൻ ജില്ലാ വൈസ് പ്രസിഡന്റ്‌ വി സി അജിത്കുമാർ, എഫ്എസ്ഇടിഒ താലൂക്ക് സെക്രട്ടറി ഷാവോ സിയാങ്, പിഎസ്‌സിഇയു ജില്ലാ സെക്രട്ടറി എസ്‌ നിധിൻ എന്നിവർ സംസാരിച്ചു.