ബിഎസ്എൻഎൽ: 120 സീനിയർ എക്‌സിക്യൂട്ടീവ്‌ ട്രെയിനി

ഭാരത് സഞ്ചാർ നിഗം ​​ലിമിറ്റഡ് (ബിഎസ്‌എൻഎൽ) സീനിയർ എക്സിക്യൂട്ടീവ് ട്രെയിനി (സീനിയർ എക്‌സിക്യൂട്ടീവ്‌ ട്രെയിനി –സെറ്റ്‌) തസ്തികകളിലേക്ക് നേരിട്ടുള്ള നിയമനം നടത്തുന്നു. സീനിയർ എക്സിക്യൂട്ടീവ് ട്രെയിനി (ടെലികോം സ്ട്രീം) 95, സീനിയർ എക്സിക്യൂട്ടീവ് ട്രെയിനി (ഫിനാൻസ് സ്ട്രീം) 25 എന്നിങ്ങനെയാണ്‌ അവസരം.

യോഗ്യത: ടെലികോം സ്ട്രീം – ഇലക്ട്രോണിക്സ് & ടെലികമ്യൂണിക്കേഷൻ, ഇലക്ട്രോണിക്സ്, കംപ്യൂട്ടർ സയൻസ്, ഇൻഫർമേഷൻ ടെക്നോളജി, ഇലക്ട്രിക്കൽ, ഇൻസ്ട്രുമെന്റേഷൻ തുടങ്ങിയ ഏതെങ്കിലും വിഷയത്തിൽ കുറഞ്ഞത് 60% മാർക്കോടെ എൻജിനിയറിങ്‌ ബിരുദം (ബിഇ/ബിടെക്‌). ഫിനാൻസ് സ്ട്രീം– ചാർട്ടേർഡ് അക്കൗണ്ടന്റ് (സിഎ) അല്ലെങ്കിൽ കോസ്റ്റ് & മാനേജ്‌മെന്റ് അക്കൗണ്ടൻസി (സിഎംഎ). പരമാവധി പ്രായപരിധി 30 വയസ്‌. സംവരണ വിഭാഗക്കാർക്ക് നിയമാനുസൃത ഇളവുകൾ ലഭിക്കും. കംപ്യൂട്ടർ അധിഷ്ഠിത മൾട്ടിപ്പിൾ ചോയ്സ് ഒബ്ജക്ടീവ് ടൈപ്പ് എഴുത്തുപരീക്ഷ വഴിയായിരിക്കും തെരഞ്ഞെടുപ്പ്‌. ഇതിനുശേഷം ഡോക്യുമെന്റ് വെരിഫിക്കേഷനും ഉണ്ടാകും. അപേക്ഷ സ്വീകരിക്കുന്നതിനുള്ള അവസാന തീയതി: നവംബർ 27. വെബ്സൈറ്റ്: www.bsnl.co.in.