ഹൈപ്പര്‍ സ്പോര്‍ട്ട് സ്കൂട്ടര്‍ ടിവിഎസ് എന്‍ടോര്‍ക് 150
ടിവിഎസ് മോട്ടോര്‍ കമ്പനി ന്യൂ ജെന്‍ റൈഡര്‍മാരെ ലക്ഷ്യമിട്ട് പുതിയ എന്‍ടോര്‍ക് 150 സ്കൂട്ടര്‍ വിപണിയില്‍ അവതരിപ്പിച്ചു. ഇന്ത്യയിലെ ഏറ്റവും വേഗമേറിയ ഹൈപ്പര്‍ സ്പോര്‍ട്ട് സ്കൂട്ടര്‍ എന്ന വിശേഷണത്തോടെയാണ് ഇത് ലഭ്യമാക്കിയിരിക്കുന്നത്. സ്റ്റെല്‍ത്ത് വിമാനങ്ങളുടെ രൂപകല്‍പ്പനയില്‍നിന്ന് പ്രചോദനം ഉള്‍ക്കൊണ്ട് നിര്‍മിച്ചിരിക്കുന്ന ഈ സ്കൂട്ടറിന് 7,000 ആര്‍പിഎമ്മില്‍ 13.2 പിഎസ് പവറും 5,500 ആര്‍പിഎമ്മില്‍ 14.2 എന്‍എം ടോര്‍ക്കും നല്‍കുന്ന 149.7 സിസി, എയര്‍-കൂള്‍ഡ്, ഒ3സി ടെക് എൻജിനാണ് കരുത്തേകുന്നത്.
6.3 സെക്കൻഡിനുള്ളില്‍ പൂജ്യത്തില്‍നിന്ന്‌ 60 കിലോമീറ്റര്‍ വേഗം കൈവരിക്കാനും പരമാവധി 104 കിലോമീറ്റര്‍ വേഗത്തില്‍ സഞ്ചരിക്കാനും ഇതിനാകുമെന്ന് കമ്പനി അവകാശപ്പെടുന്നു.
മള്‍ട്ടി-പോയിന്റ് പ്രൊജക്ടര്‍ ഹെഡ്-ലാമ്പുകള്‍, സ്പോര്‍ട്ടി ടെയില്‍ ലാമ്പുകള്‍, എയറോഡൈനാമിക് വിങ്-ലൈറ്റുകള്‍, സിഗ്നേച്ചര്‍ ശബ്ദത്തോടുകൂടിയ സ്റ്റബ്ബി മഫ്ളര്‍, നിറമുള്ള അലോയ് വീലുകള്‍ എന്നിവ ഈ വാഹനത്തെ ആകര്‍ഷകമാക്കുന്നു.
ഹൈ -റെസല്യൂഷന്‍ ടിഎഫ്ടി ക്ലസ്റ്ററും ടിവിഎസ് സ്മാര്‍ട്ട്കണക്ടും ഉള്‍ക്കൊള്ളുന്ന ഇതില്‍ അലക്സ–സ്മാര്‍ട്ട് വാച്ച് ഇന്റഗ്രേഷന്‍, ടേണ്‍- ബൈ -ടേണ്‍ നാവിഗേഷന്‍, വെഹിക്കിള്‍ ട്രാക്കിങ്, കോള്‍/മെസേജ്/സോഷ്യല്‍ മീഡിയ അലര്‍ട്ടുകള്‍ എന്നിവയുള്‍പ്പെടെ അമ്പതിലധികം കണക്ടഡ് ഫീച്ചറുകളുമുണ്ട്.
സുരക്ഷയ്ക്കായി എബിഎസ്, ഈ വിഭാഗത്തിലെ ആദ്യത്തെ ട്രാക്‌ഷന്‍ കണ്‍ട്രോള്‍, ക്രാഷ് ആന്‍ഡ് തെഫ്റ്റ് അലര്‍ട്ടുകള്‍, ഹസാര്‍ഡ് ലാമ്പുകള്‍, എമര്‍ജന്‍സി ബ്രേക്ക് മുന്നറിയിപ്പ്, ഫോളോ -മി ഹെഡ്-ലാമ്പുകള്‍ തുടങ്ങിയവയും സജ്ജീകരിച്ചിരിക്കുന്നു. ടെലിസ്കോപ്പിക് സസ്പെന്‍ഷന്‍, ക്രമീകരിക്കാവുന്ന ബ്രേക്ക് ലിവറുകള്‍, പേറ്റന്റ്‌ നേടിയ ഇ-–ഇസെഡ് സെന്റര്‍ സ്റ്റാന്‍ഡ്, 22 ലിറ്റര്‍ അണ്ടര്‍-സീറ്റ് സ്റ്റോറേജ് എന്നിവയാണ് മറ്റ് ചില പ്രത്യേകതകള്‍.
സ്റ്റെല്‍ത്ത് സില്‍വര്‍, റേസിങ് റെഡ്, ടര്‍ബോ ബ്ലൂ, നൈട്രോ ഗ്രീന്‍ എന്നീ നിറങ്ങളില്‍ എന്‍ടോര്‍ക് 150, - 150 വിത്ത് ടിഎഫ്ടി ക്ലസ്റ്റര്‍- എന്നിങ്ങനെ രണ്ട് വകഭേദങ്ങള്‍ ലഭ്യമാകും. 1.19 ലക്ഷം രൂപയാണ് പ്രാരംഭ എക്സ്ഷോറൂം വില.
Tags
Related News
Dont Miss it
0 comments