എഴ് യുദ്ധങ്ങൾ അവസാനിപ്പിച്ചു; നൊബേൽ പുരസ്കാരത്തിന് അർഹനെന്ന് ട്രംപ്

വാഷിങ്ടൺ : താൻ ഏഴ് യുദ്ധങ്ങൾ അവസാനിപ്പിച്ചിട്ടുണ്ടെന്നും അതുകൊണ്ട് നൊബേൽ സമ്മാനത്തിന് അർഹനാണെന്നും അമേരിക്കൻ പ്രസിഡന്റ് ഡോണൾഡ് ട്രംപ്. ഇന്ത്യയും പാകിസ്ഥാനും തമ്മിലുള്ള സംഘർഷങ്ങൾ ഉൾപ്പെടെ നിരവധി ആഗോള സംഘർഷങ്ങൾ തന്റെ ഭരണകാലത്ത് നിർത്തിവച്ചുവെന്നാണ് ട്രംപ് വീണ്ടും അവകാശപ്പെട്ടത്.

ശനിയാഴ്ച അമേരിക്കൻ കോർണർസ്റ്റോൺ ഇൻസ്റ്റിറ്റ്യൂട്ടിലെ പരിപാടിയിൽ സംസാരിച്ച ട്രംപ്, യുദ്ധങ്ങൾ അവസാനിപ്പിക്കാൻ വ്യാപാര കരാറിനെ നയതന്ത്ര ഉപകരണമായി ഉപയോഗിച്ചുവെന്നാണ് തനിക്ക് ഇതിനുള്ള അംഗീകാരം നൽകണമെന്നും ട്രംപ് ആവശ്യപ്പെട്ടു. തായ്‍ലൻഡും കംബോഡിയയും തമ്മിലുള്ള പോരാട്ടവും അവസാനിപ്പിച്ചത് താൻ ആണെന്നും ട്രംപ് പറഞ്ഞു.