ഉക്രെയ്നിൽ റഷ്യൻ ആക്രമണം: നാല് മരണം

കീവ് : ഉക്രെയ്ന്റെ തെക്കുകിഴക്ക്, വടക്കുകിഴക്ക് ഭാഗങ്ങളിൽ റഷ്യ നടത്തിയ ആക്രമണങ്ങളിൽ ഇന്നലെ നാല് പേർ കൊല്ലപ്പെട്ടു. തെക്കുകിഴക്കൻ നഗരമായ സപോറിഷ്യയിൽ ഉണ്ടായ ആക്രമണത്തിൽ രണ്ട് പേർ കൊല്ലപ്പെടുകയും 16 പേർക്ക് പരിക്കേൽക്കുകയും ചെയ്തു. വടക്കുകിഴക്കൻ അതിർത്തി പ്രദേശമായ ഖാർകീവിലെ സ്മിവിൽ നടന്ന മിസൈൽ ആക്രമണത്തിൽ ഒരാൾ കൊല്ലപ്പെടുകയും, രണ്ട് കുട്ടികൾ ഉൾപ്പെടെ എട്ട് പേർക്ക് പരിക്കേൽക്കുകയും ചെയ്തു.

ഖാർകീവ് മേഖലയിൽ താമസക്കാരെ ഒഴിപ്പിക്കാൻ ശ്രമിക്കുന്നതിനിടെ ഒരു പോലീസ് ഉദ്യോഗസ്ഥൻ കൊല്ലപ്പെടുകയും ചെയ്തു. റഷ്യൻ അതിർത്തിയോട് ചേർന്നുള്ള സുമി മേഖലയിൽ ഒരു വയോധികയായ സ്ത്രീയും ആക്രമണത്തിൽ കൊല്ലപ്പെട്ടു. നാല് വർഷത്തിലേറെയായി തുടരുന്ന സംഘർഷത്തിൽ സാധാരണക്കാരെ ലക്ഷ്യമിട്ടല്ല ആക്രമണങ്ങൾ നടത്തുന്നത് എന്ന് റഷ്യയും ഉക്രെയ്നും വ്യക്തമാക്കി.