print edition യുഎസ് ഇടക്കാല തെരഞ്ഞെടുപ്പ്; വോട്ട് രേഖപ്പെടുത്തി മാർപാപ്പ

റോം : അമേരിക്കയിൽ നടക്കുന്ന ഇടക്കാല തെരഞ്ഞെടുപ്പിൽ വോട്ട് രേഖപ്പെടുത്തി ലിയോ പതിനാലാമൻ മാർപാപ്പ. തെരഞ്ഞെടുപ്പ് പ്രക്രിയകളിൽനിന്ന് കത്തോലിക്കാ സഭാധ്യക്ഷന്മാർ പൂർണമായും വിട്ടുനിൽക്കണമെന്ന ദീർഘകാല കീഴ്വഴക്കം മറികടന്നാണ് മാർപാപ്പ വോട്ട് രേഖപ്പെടുത്തിയത്. ജന്മനാഗരമായ ഷിക്കാഗോയിലെ തെരഞ്ഞെടുപ്പില്‍ തപാല്‍വോട്ടാണ് അദ്ദേഹം ചെയ്തത്.പൗരനെന്ന നിലയിലുള്ള അവകാശവും കടമയുമാണ് നിർവഹിച്ചതെന്ന്‌ മാർപാപ്പ പ്രതികരിച്ചു. യുഎസ് സൈനികർക്കും വിദേശത്ത് താമസിക്കുന്ന പൗരന്മാർക്കും വോട്ട് ചെയ്യാൻ അനുമതി നൽകുന്ന ‘യൂണിഫോംഡ് ആൻഡ് ഓവർസീസ് സിറ്റിസൺസ് ആബ്സെന്റീ വോട്ടിങ്‌ ആക്ട്' (യുഒസിഎവിഎ ) പ്രകാരമാണ് മാര്‍പാപ്പ വോട്ട് രേഖപ്പെടുത്തിയത്. കത്തോലിക്കാ സഭയുടെ പരമ്പരാഗത ചട്ടക്കൂടുകളിൽനിന്ന് വ്യത്യസ്തമായ നിലപാടുകൾ ലിയോ പതിനാലാമൻ മാർപാപ്പ സ്വീകരിക്കുന്നത് ഇതാദ്യമല്ല. യുഎസ് പ്രസിഡന്റ് ട്രംപിനോടുള്ള വിയോജിക്കുന്ന രാഷ്‌ട്രീയ നിലപാടുകൾ മുമ്പ് മാര്‍പാപ്പ തുറന്നുപറഞ്ഞിട്ടുണ്ട്.