നേപ്പാളിൽ മരണം 472 കടന്നു, മൺതിട്ട തകർന്നു; രക്ഷാപ്രവർത്തനം ദുഷ്കരം

കാഠ്മണ്ഡു: നേപ്പാളിലെ മിന്നൽ പ്രളയത്തിൽ മരിച്ചവരുടെ എണ്ണം 472 കടന്നു. പ്രളയം മൂലം പുതുതായി രൂപപ്പെട്ട ചെളിയും പാറകളും മണ്ണും ചേർന്ന മൺതിട്ട തകർന്നതായും പുതിയ പ്രളയസാധ്യത വർധിച്ചതായും നേപ്പാൾ പൊലീസ് അറിയിച്ചു. കാണാതായ വിദേശികളിൽ ഏറ്റവുമധികം ഇന്ത്യക്കാരാണ്.

നേപ്പാൾ ടൂറിസം ബോർഡിന്റെ പുതിയ കണക്കുപ്രകാരം ഇന്ത്യയിൽ നിന്നുള്ള 178 പേരെ കാണാനില്ലെന്നും 11 പേരെ രക്ഷപ്പെടുത്തി എന്നുമാണ് വിവരം. ടിബറ്റ്-നേപ്പാൾ റസുവഗഢി അതിർത്തി പൂർണമായും തകർന്നു, ഹിമാനി പ്രളയം താഴ്‌വരയെ പൂർണമായും ഒഴുക്കിയെന്നാണ് ഉപഗ്രഹദൃശ്യങ്ങളിൽ നിന്ന് വ്യക്തമാകുന്നത്.

ഇന്നലെയോടെ പുതുതായി രൂപപ്പെട്ട മൺതിട്ടയിൽ മൂന്ന് ദശലക്ഷം ഘനമീറ്റർ വെള്ളവും ചെളിയും കലർന്ന സംഭരിക്കപ്പെട്ടിരുന്നു. മഴ തുടർന്നിരുന്നതിനാൽ ഇത് തകരാനുള്ള സാധ്യത കണക്കിലെടുത്ത് രക്ഷാപ്രവർത്തകരോടും ദൗത്യസംഘങ്ങളോടും സുരക്ഷിതമായ അകലം പാലിക്കാനും ചൈനയിലെ രക്ഷാപ്രവർത്തനം താത്കാലികമായി നിർത്തിവയ്ക്കാനും അധികൃതർ നിർദേശിച്ചിരുന്നു.

ഇത് മുൻകൂട്ടിക്കണ്ട് രക്ഷാദൗത്യം നിർത്തിവച്ചതിനാലാണ് രക്ഷാപ്രവർത്തകരുടെ ജീവൻ രക്ഷിക്കാനായത്. വരും മണിക്കൂറുകളിൽ കൂടുതൽ മൃതദേഹങ്ങൾ കണ്ടെത്താനാകുമെന്നാണ് രക്ഷാദൗത്യസംഘത്തിന്റെ നിഗമനം.