കേന്ദ്രസർക്കാരിനെതിരെ മെഹുൽ ചോക്സി യുകെ കോടതിയിൽ

ലണ്ടൻ: പഞ്ചാബ് നാഷണൽ ബാങ്കിൽ നിന്ന് 13,000 കോടി രൂപയുടെ തട്ടിപ്പ് നടത്തി ഇന്ത്യ വിട്ട വജ്രവ്യാപാരി മെഹുൽ ചോക്സി കേന്ദ്രസർക്കാരിനെതിരെ ലണ്ടൻ ഹൈക്കോടതിയിൽ ആരോപണം ഉന്നയിച്ചു. 2021-ൽ ഇന്ത്യൻ ഏജന്റുമാർ തന്നെ ആന്റിഗ്വയിൽ നിന്ന് ഡൊമിനിക്കയിലേക്ക് തട്ടിക്കൊണ്ടുപോയി പീഡിപ്പിക്കുകയും നിയമവിരുദ്ധമായി നാടുകടത്താൻ ശ്രമിക്കുകയും ചെയ്തുവെന്നാണ് പരാതി. തന്നെ നിർബന്ധിച്ച് നാട്ടിലേക്ക് കൊണ്ടുപോകാൻ ഇന്ത്യൻ അധികാരികളുമായി ചേർന്ന് പ്രവർത്തിച്ചതായി ആരോപിച്ച് യുകെയിലുള്ള അഞ്ച് വ്യക്തികൾക്കെതിരെയും ചോക്‌സി കേസ് ഫയൽ ചെയ്തിട്ടുണ്ട്.

ജൂൺ 16 ന് കേസിൽ ജസ്റ്റിസ് ഫ്രീഡ്മാന്റെ മുമ്പാകെ വാദം കേട്ടിരുന്നു. ഇവിടെയാണ് ചോക്സിയുടെ അഭിഭാഷകർ കേന്ദ്രത്തിനെതിരെ ആരോപണം ഉന്നയിച്ചത്. ആന്റിഗ്വയിലെ വീടിനടുത്ത് വെച്ച് ചോക്സിയെ ആക്രമിച്ചതായും കണ്ണും വായയും മൂടിക്കെട്ടി ബോട്ടിൽ കയറ്റി വീണ്ടും മർദ്ദിക്കുകയും, ഇന്ത്യയിലേക്ക് മടങ്ങാനും കുറ്റസമ്മതത്തിൽ ഒപ്പിടാനും സമ്മതിച്ചില്ലെങ്കിൽ കൊല്ലുമെന്ന് ഭീഷണിപ്പെടുത്തുകയും ചെയ്തുവെന്നാണ് ആരോപണം. വാ​യ്പ ത​ട്ടി​പ്പി​ന് പി​ന്നാ​ലെ രാ​ജ്യം​വി​ട്ട ചോ​ക്സി​ക്കെ​തി​രെ ല​ണ്ട​നി​ലെ സി​വി​ൽ കേ​സി നിലവിലുണ്ട്.

ഏപ്രിലിൽ ബെൽജിയത്തിൽ ചോക്സി അറസ്റ്റിലായതായി വാർത്തകൾ പുറത്തുവന്നിരുന്നു. ചോക്സിയെ ഇ​ന്ത്യ​ക്ക് കൈ​മാ​റാ​ൻ ബെ​ൽ​ജി​യം സ​ർ​ക്കാ​ർ ആ​രം​ഭി​ച്ച ന​ട​പ​ടി​ക​ൾ പു​രോ​ഗ​മി​ക്കു​ക​യാ​ണ്. ഈ വർഷം ആദ്യമാണ് ചോക്സിയെ കൈമാറണമെന്നു കാണിച്ച് സിബിഐ അപേക്ഷ നൽകിയത്. രാജ്യത്തെ ബാങ്കിങ് മേഖലയെ മുഴുവൻ പിടിച്ചുകുലുക്കിയ കോടികളുടെ പഞ്ചാബ് നാഷണൽ ബാങ്ക് തട്ടിപ്പിലെ പ്രധാന പ്രതികളിലൊരാളാണ് ചോക്സി. തട്ടിപ്പ് പുറത്തുവരുന്നതിനു മുമ്പ് ഇയാൾ രാജ്യം വിട്ടിരുന്നു. 13,850 കോടിയുടെ ബാങ്ക് തട്ടിപ്പ് നടത്തിയ കേസിൽ പ്രതിയാണ് മെഹുൽ ചോക്സിയും അനന്തരവൻ നീരവ് മോദിയും. 2018 മുതൽ ഇയാൾക്കായി അന്വേഷണം പുരോ​ഗമിക്കുകയായിരുന്നു. 2018ലും 2021ലുമായി മുംബൈ പൊലീസ് ജാമ്യമില്ലാ വാറണ്ട് പുറപ്പെടുവിച്ചിരുന്നു.

ഇ​ന്ത്യ​യെ അ​പ​മാ​നി​ക്കാ​നും അതുവ​ഴി നേ​ട്ട​മു​ണ്ടാ​ക്കാ​നാ​കു​മെ​ന്ന ഉ​ദ്ദേ​ശ്യ​ത്തോ​ടെ​യാ​ണ് ചോ​ക്സി​യു​ടെ അ​വ​കാ​ശ​വാ​ദ​മെ​ന്ന് ഇ​ന്ത്യ​ക്കു​വേ​ണ്ടി ഹാ​ജ​രാ​യ അഭിഭാഷകൻ ഹ​രീ​ഷ് സാ​ൽ​വെ വാ​ദി​ച്ചു.