ജോർദാനിലെ അമേരിക്കൻ വിമാനങ്ങളെ തകർത്തെന്ന് ഇറാൻ; തിരിച്ചടി എട്ടുപേർ കൊല്ലപ്പെട്ടതിനെ തുടർന്ന്

തെഹ്‌റാൻ: യുഎസ് നടത്തിയ ആക്രമണങ്ങൾക്ക് മറുപടിയായി, ജോർദാനിൽ നിലയുറപ്പിച്ചിരുന്ന അമേരിക്കൻ സൈനിക വിമാനങ്ങളെ തകർത്തു എന്ന് ഇറാൻ. ബാലിസ്റ്റിക് മിസൈലുകളും ഡ്രോണുകളും ഉപയോഗിച്ചാണ് ആക്രമണം നടത്തിയതെന്ന് ഇറാൻ റെവല്യൂഷണറി ഗാർഡ്സ് വ്യക്തമാക്കി.

തങ്ങളുടെ രാജ്യത്ത് യുഎസ് നടത്തിയ വ്യോമാക്രമണങ്ങളിൽ എട്ടുപേർ കൊല്ലപ്പെട്ടതിലുള്ള പ്രതികാരമായാണ് ഈ തിരിച്ചടിയെന്ന് ഇറാൻ പ്രസ്താവനയിൽ പറയുന്നു. ആക്രമണത്തിൽ നിരവധി യുഎസ് ഇന്ധനം നിറയ്ക്കുന്ന വിമാനങ്ങളും ഫൈറ്റർ ജെറ്റുകളും നശിപ്പിക്കപ്പെട്ടുവെന്നും മറ്റ് പല വിമാനങ്ങൾക്കും സാരമായ നാശനഷ്ടങ്ങൾ സംഭവിച്ചുവെന്നുമാണ് ഇറാൻ റെവല്യൂഷണറി ഗാർഡ്സിന്റെ അവകാശവാദം.

തങ്ങളുടെ രാജ്യത്തുള്ള അക്രമകാരികളായ അമേരിക്കക്കാരുടെ താൽപ്പര്യങ്ങൾ ലക്ഷ്യമിടാൻ ജോർദാനിലെ ജനങ്ങളോട് ഇറാൻ ആഹ്വാനം ചെയ്തു. സംഘർഷം മേഖലയിൽ കൂടുതൽ വ്യാപിക്കുമെന്ന ഭീതിയിലാണ് നിലവിൽ അന്താരാഷ്ട്ര സമൂഹം ഉറ്റുനോക്കുന്നത്.