'അത്ഭുതം സംഭവിക്കുമെന്ന് പറഞ്ഞു, അത് സംഭവിച്ചു'; തമിഴ്‌നാട്ടിലെ വിജയത്തിൽ പ്രതികരണവുമായി വിജയ്

ചെന്നൈ: തമിഴ്‌നാട് നിയമസഭാ തെരഞ്ഞെടുപ്പിൽ തന്റെ പാർട്ടിയായ തമിഴക വെട്രി കഴകം നേടിയ ഉജ്ജ്വല മുന്നേറ്റത്തിൽ പ്രതികരണവുമായി നടനും രാഷ്ട്രീയ നേതാവുമായ വിജയ്. തിരഞ്ഞെടുപ്പിൽ രാഷ്ട്രീയ അത്ഭുതങ്ങൾ സംഭവിക്കുമെന്ന് താൻ നേരത്തെ പറഞ്ഞിരുന്നതായും ജനങ്ങൾ അത് യാഥാർത്ഥ്യമാക്കിയതായും വിജയ് പറഞ്ഞു.

വോട്ടെണ്ണൽ പൂർത്തിയായപ്പോൾ ദ്രാവിഡ രാഷ്ട്രീയത്തിന്റെ കോട്ടകളിൽ വിള്ളലുണ്ടാക്കി നിർണ്ണായക ശക്തിയായി ടിവികെ മാറിയ പശ്ചാത്തലത്തിലാണ് വിജയ്‌യുടെ പ്രതികരണം. തമിഴ്‌നാട്ടിലെ ജനങ്ങൾ മാറ്റത്തിന് ആഗ്രഹിച്ചിരുന്നുവെന്നും തന്നിൽ അർപ്പിച്ച വിശ്വാസത്തിന് നന്ദി പറയുന്നതായും വിജയ് വ്യക്തമാക്കി.

ഞാൻ ഒരു അത്ഭുതകരമായ തിരഞ്ഞെടുപ്പ് ഫലം പ്രവചിച്ചിരുന്നു, അത് സത്യമായി ഭവിച്ചു. ഇത് ജനങ്ങളുടെ വിജയമാണെന്നും അദ്ദേഹം പറഞ്ഞു. രൂപീകരിച്ച് ചുരുങ്ങിയ കാലയളവിനുള്ളിൽ തന്നെ തമിഴ് രാഷ്ട്രീയത്തിൽ മൂന്നാം ശക്തിയായി വളരാൻ വിജയ്‌യുടെ പാർട്ടിക്കായി.

യുവാക്കളുടെയും സ്ത്രീകളുടെയും വൻതോതിലുള്ള പിന്തുണയാണ് ടിവികെയുടെ വിജയത്തിന് പിന്നിലെ പ്രധാന ഘടകം. ഒരു മുന്നണിക്കും വ്യക്തമായ ഭൂരിപക്ഷം ലഭിക്കാത്ത സാഹചര്യത്തിൽ സർക്കാർ രൂപീകരണത്തിൽ വിജയ്‌യുടെ നിലപാട് നിർണ്ണായകമാകും.

അഴിമതി രഹിതവും സുതാര്യവുമായ ഭരണം ഉറപ്പാക്കുമെന്ന വാഗ്ദാനമാണ് വിജയ് ജനങ്ങൾക്ക് മുന്നിൽ വെച്ചത്. വരും ദിവസങ്ങളിൽ ചെന്നൈയിൽ നടക്കുന്ന പാർട്ടി യോഗത്തിൽ വിജയ് നിർണ്ണായക തീരുമാനങ്ങൾ പ്രഖ്യാപിച്ചേക്കും.