മുംബൈയില്‍ ഗണേശ വി​​ഗ്രഹം വീണ് രണ്ട് പേർ മരിച്ചു; കുട്ടികളുൾപ്പെടെയുള്ളവര്‍ക്ക് പരിക്ക്

മുംബൈ : മുംബൈയിലെ ഭുലേശ്വറിൽ ​ഗണേശവി​​ഗ്രഹം വീണുണ്ടായ അപകടത്തിൽ രണ്ട് പേർ മരിച്ചു. കുട്ടികളുൾപ്പെടെ നിരവധി പേർക്ക് പരിക്കേറ്റതായാണ് വിവരം.

ഭുലേശ്വറിലെ ജയ് അംബെ ചൗക്കിലെ കബുതർഖാനയ്ക്ക് സമീപമുള്ള ബലറാം മർച്ചന്റ് റോഡിൽ ശനിയാഴ്ച രാത്രി 10 മണിയോടെയാണ് സംഭവം. ഉത്സവാഘോഷത്തിനിടെ വി​ഗ്രഹം മറിഞ്ഞുവീഴുകയായിരുന്നു. ​ഗണേശവി​ഗ്രഹം ഉയർത്തുന്നതിനിടെയാണ് അപകടമുണ്ടായത്. വി​ഗ്രഹത്തിനിടയിൽപ്പെട്ട രണ്ട് സംഭവസ്ഥലത്ത് വെച്ച് തന്നെ മരിക്കുകയായിരുന്നു. അ​ഗ്നിശമനസേനയും പൊലീസും നടത്തിയ രക്ഷാപ്രവർത്തനത്തിനൊടുവിലാണ് പരിക്കേറ്റവരെ ആശുപത്രിയിലെത്തിച്ചത്. സങ്കേത് നെവ്‌ഷെ (33), ബ്രിജേഷ് ഹേമന്ത് ജോഷി (30) എന്നിവരാണ് മരിച്ചത്. പരിക്കേറ്റവരുടെ നില തൃപ്തികരമാണെന്നാണ് റിപ്പോർട്ടുകൾ.