5 വര്‍ഷവും 
മുഖ്യമന്ത്രിയായി 
തുടരുമെന്ന് 
സിദ്ധരാമയ്യ

ചിക്കബെല്ലാപുര

മുഖ്യമന്ത്രിക്കസേരയ്‌ക്കായി കര്‍ണാടക കോൺ​ഗ്രസിൽ അടി തുടരുന്നു. മുഖ്യമന്ത്രിയായി അഞ്ചുവര്‍ഷവും താൻ തന്നെ ഭരിക്കുമെന്ന് സിദ്ധരാമയ്യ മാധ്യമപ്രവര്‍ത്തകരോട് പറഞ്ഞു.

ഒറ്റക്കെട്ടായി കോൺ​ഗ്രസ് അധികാരത്തിൽ തുടരുമെന്നും ഉപമുഖ്യമന്ത്രി ഡി കെ ശിവകുമാറിനെ മുഖ്യമന്ത്രിയാക്കുമെന്ന അഭ്യൂഹങ്ങള്‍ തള്ളി സിദ്ധരാമയ്യ പറഞ്ഞു. ഡി കെ ശിവകുമാറിനെ മുഖ്യമന്ത്രിയാക്കാൻ ഒരുവിഭാ​ഗം കോൺ​ഗ്രസ് എംഎൽഎമാര്‍ പരസ്യമായി രം​ഗത്തുവന്നിട്ടുണ്ട്. രണ്ടര വര്‍ഷം വീതം സിദ്ധരാമയ്യയും ഡി കെ ശിവകുമാറും മുഖ്യമന്ത്രി പദം പങ്കിടാനാണ് നേരത്തെയുണ്ടായിരുന്ന ധാരണ. അഴിമതിയാരോപണങ്ങളിൽ ഭരണം നിറംകെട്ടിരിക്കെയാണ് കോൺ​ഗ്രസിലെ അധികാരത്തര്‍ക്കം രൂക്ഷമായത്.