സു വെങ്കിടേശന് നേരെ വധഭീഷണി: തമിഴ്നാട്ടിൽ വൻ പ്രതിഷേധം

ചെന്നെെ: പഹൽ​ഗാം ആക്രമണവുമായി ബന്ധപ്പെട്ട പാർലമെന്റ് ചർച്ചക്കിടെ വിമർശനമുന്നയിച്ചതിന്റെ പേരിൽ സിപിഐ എം മധുര എം പി സു വെങ്കിടേശന് നേരെ വധഭീഷണി ഉയര്‍ന്ന സംഭവത്തില്‍ തമിഴ്നാട്ടില്‍ വന്‍ പ്രതിഷേധം. . സിപിഐ എമ്മിന്‍റ നേതൃത്വത്തിലാണ് പ്രതിഷേധം തുടരുന്നത്.സംഭവത്തിൽ കേസെടുക്കണമെന്ന് ആവശ്യപ്പെട്ട് തമിഴിനാട് സിപിഐ എം പരാതി നൽകി.

അഞ്ജാത ഫോൺകോൾ വഴി സംഘപരിവാറുകാരാണ് വധഭീഷണി മുഴക്കിയത്.പഹൽ​ഗാം ഓപ്പറേഷൻ സിന്ദൂർ വിഷയങ്ങളിൽ ശക്തമായ വാ​ഗ്വാദമാണ് പാർലമെന്റിൽ നടന്നത്. വധഭീഷണിയും ഒപ്പം അസഭ്യവും പറഞ്ഞു. നിങ്ങൾ പ്രധാനമന്ത്രിയെ വിമർശിക്കാറായോ. നീ തമിഴ്നാട്ടിലേക്ക് തിരിച്ചുവരില്ല, വന്നാൽ ഞാൻ കൊല്ലും.. അതായിരുന്നു ഭീഷണി.

തമിഴ്നാട് ഡിജിപിക്ക് സു വെങ്കിടേശൻ പരാതി നൽകിയിട്ടുണ്ട്.ജനാധിപത്യ വിരുദ്ധമായ ഈ പ്രവൃത്തിക്കെതിരെ ശക്തമായി പ്രതികരിക്കണമെന്ന് എല്ലാ ജനാധിപത്യവാദികളോടും സു വെങ്കിടേശന്ന‍ ആഹ്വാനം ചെയ്തു.സംസ്ഥാന സെക്രട്ടേറിയറ്റ് അംഗം മധുകര്‍ രാമലിംഗം എസ് കഅണ്ണന്‍ എന്നിവര്‍ സമരത്തില്‍ അണിചേര്‍ന്നു. കടലൂര്‍ മധുര എന്നിവിടങ്ങളിലാണ് പ്രതിഷേധം നടന്നത്.