print edition കർഷകദ്രോഹം തുടർന്നാൽ 
ലക്ഷംപേരുടെ പദയാത്ര: വിജൂ കൃഷ്‌ണൻ

നൽഗൊണ്ട: കേന്ദ്ര– സംസ്ഥാന സർക്കാരുകൾ തെലങ്കാനയിലെ കർഷകരെ വഞ്ചിക്കുകയാണെന്ന്‌ കിസാൻസഭ ജനറൽ സെക്രട്ടറി വിജൂ കൃഷ്‌ണൻ പറഞ്ഞു. തെലങ്കാനയിലെ കോൺഗ്രസ്‌ സർക്കാരിന്‌ കിസാൻസഭ രണ്ടുമാസത്തെ സമയം അനുവദിക്കുകയാണ്‌. അതിനകം കർഷകരുടെ പ്രശ്‌നങ്ങൾക്ക്‌ പരിഹാരം കണ്ടില്ലെങ്കിൽ ലക്ഷം കർഷകരുമായി സൂര്യാപേട്ടിൽനിന്ന്‌ ഹൈദരാബാദിലേക്ക്‌ പദയാത്ര സംഘടിപ്പിക്കും. 12 വർഷമായി മോദി സർക്കാർ കർഷകദ്രോഹ നയങ്ങൾ തുടരുകയാണ്‌. മിനിമം താങ്ങുവില പോലും കർഷകർക്ക്‌ ലഭിക്കുന്നില്ല. അമേരിക്കയുമായി വ്യാപാര കരാറിൽ ഒപ്പിടാനാണ്‌ ഇപ്പോൾ നീക്കം. യൂറോപ്യൻ യൂണിയനുമായും ന്യൂസിലൻഡുമായും കരാറിൽ ഒപ്പിട്ടു കഴിഞ്ഞു. കർഷകർക്കെതിരെയുള്ളതാണ്‌ ഇ‍ൗ കരാറുകളെല്ലാം.

തെലങ്കാനയിലെ വരൾച്ചയിൽ കർഷകർ നട്ടംതിരിയുമ്പോൾ കേന്ദ്ര– സംസ്ഥാന സർക്കാരുകൾ തിരിഞ്ഞുനോക്കുന്നില്ല. വാഗ്‌ദാനങ്ങൾ നടപ്പാക്കുന്നതിൽ മോദി സർക്കാരിനൊപ്പം തെലങ്കാനയിലെ രേവന്ത്‌ റെഡ്ഡി സർക്കാരും പരാജയമാണെന്ന്‌ വിജൂ കൃഷ്‌ണൻ പറഞ്ഞു.