ഹ്യൂമൻ ലൈബ്രറിയിൽ അനുഭവങ്ങൾ പങ്കിട്ട്‌ ഡോ. വിജയൻ നങ്ങേലിൽ

പെരുമ്പാവൂർ

പുല്ലുവഴി പബ്ലിക് ലൈബ്രറിയിൽ നടന്ന ഹ്യൂമൻ ലൈബ്രറി പരിപാടിയിൽ ഡോ. വിജയൻ നങ്ങേലിൽ ജീവിതാനുഭവങ്ങൾ പങ്കുവച്ചു. നങ്ങേലിൽ ആയുർവേദ കോളേജ് മാനേജിങ്‌ ഡയറക്ടറാണ്‌ ഡോ. വിജയൻ.

ബാല്യകാലം, വിദ്യാഭ്യാസം, ചികിത്സാനുഭവങ്ങൾ, സൗഹൃദങ്ങൾ, കലാ സാഹിത്യ താൽപ്പര്യങ്ങൾ, ആയുർവേദ ചികിത്സാരംഗത്തെ പുതുപ്രവണതകൾ തുടങ്ങിയ വിവിധ വിഷയങ്ങൾ അദ്ദേഹം പങ്കുവച്ചു. സദസ്യരുടെ ചോദ്യങ്ങൾക്കും മറുപടി നൽകി. ഡോ. എസ് വിനീത്, എസ് മനോജ് എന്നിവർ മോഡറേറ്റർമാരായി. വായനശാല പ്രസിഡന്റ്‌ വി എം ഉണ്ണി, ഡോ. വിജയൻ നങ്ങേലിയെ പൊന്നാട അണിയിച്ചു.

ആയുർവേദ മെഡിക്കൽ അസോസിയേഷൻ സംസ്ഥാന കമ്മിറ്റിയംഗം ഡോ. ജോയ്സ് ജോർജ്, കെ വി മത്തായി, ഡോ. എസ് ശോഭ, സി ആർ മനേഷ് എന്നിവർ സംസാരിച്ചു.