കോയമ്പത്തൂരിൽ കാട്ടാന ആക്രമണം; വയോധികൻ മരിച്ചു

കോയമ്പത്തൂർ: കോയമ്പത്തൂർ തുടിയലൂരിന് സമീപം കാട്ടാന ആക്രമണത്തിൽ വയോധികൻ മരിച്ചു. തുടിയലൂർ സ്വദേശി കെ നടരാജൻ (69) ആണ് മരിച്ചത്. നടരാജൻ രാവിലെ നടക്കാനിറങ്ങിയപ്പോഴാണ് ആക്രമണമുണ്ടായത്. സംഭവ സ്ഥലത്ത് തന്നെ നടരാജൻ മരിച്ചു. കോയമ്പത്തൂർ ഫോറസ്റ്റ് ഉദ്യോ​ഗസ്ഥർ സ്ഥലത്തെത്തി പരിശോധന നടത്തി.

നടരാജന്റ മൃതദേഹവുമായി നാട്ടുകാർ തടാകം - തുടിയലൂർ റോഡ് ഉപരോധിച്ചു. വിഷയത്തിൽ വേണ്ട നടപടി എടുക്കുമെന്ന് ജില്ലാ ഭരണകൂടം ഉറപ്പ് നൽകിയതോടെ പ്രതിഷേധം അവസാനിപ്പിച്ചു. മൃതദേഹം കോയമ്പത്തൂർ സർക്കാർ ജനറൽ ആശുപത്രിയിലെ മോർച്ചറിയിലേക്ക് മാറ്റി.