'കുതിരക്കച്ചവടം' പൂർണം; മഹാരാഷ്ട്രയിൽ 6 വിമത എംപിമാർ ശിവസേന ഷിൻഡെ വിഭാ​ഗത്തിൽ ചേർന്നു

മുംബൈ: ഉദ്ധവ് താക്കറെയുടെ നേതൃത്വത്തിലുള്ള ശിവസേനയിൽ (യുബിടി) നിന്ന് കൂറുമാറിയ ആറ് ലോക്‌സഭാ എംപിമാർ മഹാരാഷ്ട്ര ഉപമുഖ്യമന്ത്രി ഏകനാഥ് ഷിൻഡെയുടെ വിഭാ​ഗത്തിൽ ചേർന്നു. സഞ്ജയ് ദേശ്മുഖ് (യാവത്മാൽ), സഞ്ജയ് ജാദവ് (പർഭാനി), സഞ്ജയ് ദിന പാട്ടീൽ (മുംബൈ നോർത്ത് ഈസ്റ്റ്), നാഗേഷ് പാട്ടീൽ-അഷ്ടികർ (ഹിംഗോളി), ഓംപ്രകാശ് രാജേണിംബാൽക്കർ (ധാരാശിവ്), ഭൗസാഹെബ് വാക്ചൗരെ (ഷിർഡി) എന്നിവരാണ് കൂറുമാറിയത്. മുംബൈയിൽ വച്ച് ഷിൻഡെയുടെയും മറ്റ് മുതിർന്ന നേതാക്കളുടെയും സാന്നിധ്യത്തിലാണ് ഇവർ പാർടിയിൽ ചേർന്നത്.‌‌

ഈ കൂറുമാറ്റത്തോടെ 'ഓപ്പറേഷൻ ടൈഗർ' പൂർണമായുെന്ന് ഏക്‌നാഥ് ഷിൻഡെ പറഞ്ഞു. ബാലാസാഹേബ് താക്കറെയുടെ ആശയങ്ങൾ പിന്തുടരുന്ന 'യഥാർഥ' ശിവസേനയിലാണ് ഈ എംപിമാർ ചേർന്നതെന്നാണ് ഷിൻഡെ അവകാശപ്പെട്ടത്. 2022 ജൂണിലണ് ഷിൻഡെ വിഭാ​ഗം രൂപീകരിച്ചത്. ശിവേനയിൽ ഇപ്പോൾ നടന്നത് ഏറ്റവും വലിയ രണ്ടാമത്തെ പിളർപ്പാണെന്നും ഷിൻഡേ പറഞ്ഞു.

ഇതോടെ ബിജെപി സ്ഥിരം തന്ത്രമാക്കി മാറ്റിയിട്ടുള്ള കൂറുമാറ്റ രാഷ്ട്രീയത്തിന്റെ പ്രതിഫലനം മഹാരാഷ്ട്ര ഭരണത്തിലും ഒരിക്കൽ കൂടി എത്തുകയാണ്. അയോഗ്യരാക്കപ്പെടുന്നത് ഒഴിവാക്കാൻ ആവശ്യമായ എണ്ണത്തോടെയാണ് എംപിമാർ ഷിൻഡെ വിഭാ​ഗത്തിലെത്തിയത്. ഇത് മഹാരാഷ്ട്ര മുൻ മുഖ്യമന്ത്രി ഉദ്ധവ് താക്കറെയ്ക്ക് വലിയ തിരിച്ചടിയായി.