വിദേശ മെഡിക്കൽ വിദ്യാഭ്യാസത്തിന് ഗുണനിലവാരക്കുറവ്‌

ന്യൂഡൽഹി : വിദേശ മെഡിക്കൽ ബിരുദം നേടിയവരിൽ ഇന്ത്യയിൽ പ്രാക്ടീസ് ചെയ്യാനുള്ള യോ​ഗ്യതാ പരീക്ഷ പാസാകുന്നത് വളരെ കുറഞ്ഞ ശതമാനമെന്ന് സാമ്പത്തിക സര്‍വേ. ഇത് ക്ലിനിക്കൽ പരിശീലനത്തിലെ കുറവടക്കം വിദേശ മെഡിക്കൽ വിഭ്യാഭ്യാസത്തിലെ ​ഗുണനിലവാരമില്ലായ്മയാണ് സൂചിപ്പിക്കുന്നത്. 2023ൽ 16.65 ശതമാനം മാത്രമാണ് യോ​ഗ്യതാപരീക്ഷ പാസായത്.

ഇന്ത്യയിലെ പഠനച്ചെലവ് നിയന്ത്രിച്ച് വിദേശത്തേക്ക് മെഡിക്കൽ വിദ്യാഭ്യാസത്തിനുള്ള ഒഴുക്ക് തടയാന്‍ നയപരമായ ഇടപെടൽ ആവശ്യമാണ്. ഓരോ വര്‍ഷവും ആയിരക്കണക്കിന് വിദ്യാര്‍ഥികള്‍ മെഡിക്കൽ ബിരുദ പഠനത്തിനായി ഫീസ് കുറവുള്ള ചൈന, റഷ്യ, ഉക്രെയ്ന്‍, ഫിലിപ്പീന്‍സ്, ബം​ഗ്ലാദേശ് തുടങ്ങിയവ ഉള്‍പ്പെടെ അമ്പതോളം വിദേശരാജ്യങ്ങളിലേക്ക് പോകുകയാണെന്നും സര്‍വേ ചൂണ്ടിക്കാട്ടുന്നു.