മലയാളിയായ ജസ്റ്റിസ് കെ വിനോദ് ചന്ദ്രൻ സുപ്രീംകോടതി ജഡ്‌ജി

ന്യൂഡൽഹി: മലയാളിയായ ജസ്റ്റിസ് കെ വിനോദ് ചന്ദ്രൻ സുപ്രീം കോടതി ജഡ്ജിയാകും. കൊളീജിയത്തിന്റെ ശുപാർശ കേന്ദ്ര സർക്കാർ അം​ഗീകരിച്ചു. നിയമന ഉത്തരവിൽ രാഷ്ട്രപതി ഒപ്പുവച്ചു. ബിഹാറിലെ ഹൈക്കോടതി ചീഫ് ജസ്റ്റിസ് ആയിരുന്നു ജസ്റ്റിസ് വിനോദ് ചന്ദ്രൻ.

സുപ്രീം കോടതി ചീഫ് ജസ്റ്റിസ് സഞ്ജീവ് ഖന്ന അധ്യക്ഷനായ കൊളീജിയമാണ് വിനോദ് ചന്ദ്രനെ സുപ്രീം കോടതി ജഡ്ജിയായി ശുപാർശ ചെയ്തത്. 2011 നവംബറിൽ കേരളാ ഹൈക്കോടതി ജഡ്ജിയായി. 2023 മാർച്ചിലാണ് ജസ്റ്റിസ് വിനോദ് ചന്ദ്രൻ പറ്റ്ന ഹൈക്കോടതി ചീഫ് ജസ്റ്റിസായി നിയമിതനായത്.