ഉത്തരാഖണ്ഡിൽ ഹെലികോപ്റ്റർ തകർന്നുവീണ് 6 മരണം

ഡറാഡൂൺ : ഉത്തരാഖണ്ഡിൽ ഹെലികോപ്റ്റർ തകർന്നുവീണ് അപകടം. ആറു യാത്രക്കാർ കൊല്ലപ്പെട്ടു. അതിർത്തി ജില്ലയായ ഉത്തരകാശിയിലെ ​ഗം​ഗാനാനിയിലായിരുന്നു അപകടം. പൊലീസും ​റാപിഡ് റെസ്പോൺസ് ടീമും ദുരന്ത നിവാരണ സേനയും സ്ഥലത്ത് രക്ഷാപ്രവർത്തനം നടത്തുകയാണ്. ആറ് യാത്രക്കാരും പൈലറ്റുമാണ് ഹെലികോപ്റ്ററിലുണ്ടായിരുന്നതെന്നാണ് വിവരം. വ്യാഴം രാവിലെയായിരുന്നു അപകടം. അപകടത്തിന്റെ കാരണം വ്യക്തമല്ല. സംഭവത്തിൽ വിശദമായ അന്വേഷണം നടത്താൻ മുഖ്യമന്ത്രി പുഷ്കർ സിങ് ധാമി പറഞ്ഞു.