പുതിയ ജിഎസ്‌ടി നിരക്ക്‌ പ്രാബല്യത്തിൽ: വില കൂട്ടരുതെന്ന്‌ നിർദേശമില്ല

ന്യൂഡൽഹി : പരിഷ്‌കരണത്തിനുശേഷമുള്ള ജിഎസ്‌ടി നിരക്കുകൾ പ്രാബല്യത്തിലായെങ്കിലും ആശങ്കകൾക്ക്‌ മറുപടിയോ വിശദീകരണമോ ഇല്ല. നികുതി കുറയുന്നതിന്റെ ആനുകൂല്യം സാധാരണക്കാർക്ക് ലഭിക്കുമെന്ന്‌ മോദി സർക്കാർ അവകാശപ്പെടുന്നുhttps://www.deshabhimani.com/News/national/gst-new-price-77598ണ്ടെങ്കിലും അതിനുവേണ്ട പ്രായോഗിക നടപടികൾ എവിടെയുമില്ല.

നികുതി പരിഷ്‌കരണത്തിലൂടെ വിലകുറയുന്ന സാഹചര്യം മറികടക്കാൻ സാധനങ്ങൾക്ക്‌ ഉൽപ്പാദകർ വിലകൂട്ടരുതെന്ന കർശന നിർദേശം സർക്കാര്‍ പുറപ്പെടുവിച്ചിട്ടില്ല. സംസ്ഥാനങ്ങൾക്കുണ്ടാകുന്ന വരുമാന നഷ്‌ടം നികത്തുന്നതിൽ സുതാര്യമായ മറുപടിയും നൽകിയിട്ടില്ല. ബിജെപി ഭരണ സംസ്ഥാനങ്ങൾ പോലും കടുത്ത അതൃപ്‌തിയിലാണ്‌. ആരോഗ്യ ഇൻഷുറൻസിന്റെ ജിഎസ്‌ടി ഒഴിവാക്കിയെങ്കിലും കന്പനികൾ പ്രീമിയം വർധിപ്പിക്കാനുള്ള നീക്കത്തിലാണെന്ന് റിപ്പോർട്ടുണ്ട്. ചെരുപ്പുകൾക്കും 2500 രൂപ വരെയുള്ള തുണിത്തരങ്ങൾക്കും മറ്റും ജിഎസ്‌ടി കുറച്ചെങ്കിലും വ്യാപാരികൾ നൽകിയിരുന്ന ഡിസ്‌ക‍ൗണ്ട്‌ വെട്ടിക്കുറച്ചേക്കാം.

മൊത്തം ജിഎസ്‌ടി വരുമാനത്തിന്റെ 65 ശതമാനവും ലഭിച്ചിരുന്ന 18 ശതമാനം സ്ലാബിൽ കാര്യമായ മാറ്റമില്ല. രൂക്ഷമായ വിലക്കയറ്റത്തിന്‌ കടിഞ്ഞാണിടാനും പരിഷ്‌കാരം കൊണ്ടാവില്ല. പെട്രോൾ– ഡീസൽ വിലയിൽ മാറ്റമില്ല. നിരക്ക്‌ കുറയ്‌ക്കൽ സംസ്ഥാനങ്ങളുടെ വരുമാന നഷ്‌ടവും രൂക്ഷമാക്കും. നഷ്‌ടപരിഹാരം നൽകുന്നതിലും കേന്ദ്രസർക്കാർ ഉറപ്പ് നൽകിയിട്ടില്ല.

തുടക്കമാകുന്നത്‌ ജിഎസ്ടി സമ്പാദ്യ 
ഉത്സവത്തിന്‌: മോദി


ന്യൂഡൽഹി : പുതിയ നികുതി ഘടന നിലവിൽവരുന്നതോടെ രാജ്യത്തുണ്ടാകുക ജിഎസ്ടി സമ്പാദ്യ ഉത്സവമെന്ന്‌ പ്രധാനമന്ത്രി നരേന്ദ്രമോദി. പരിഷ്കാരങ്ങൾ ഇന്ത്യയുടെ വളർച്ചയെ ത്വരിതപ്പെടുത്തുമെന്നും എംഎസ്എംഇകൾക്കും ചെറുകിട വ്യവസായങ്ങൾക്കും കുടിൽ വ്യവസായങ്ങൾക്കും ഗുണമുണ്ടാകുമെന്നും രാജ്യത്തെ അഭിസംബോധന ചെയ്യവെ മോദി പറഞ്ഞു.വികസിത ഇന്ത്യക്കായി സ്വാശ്രയത്വത്തിന്റെ പാത പിന്തുടരേണ്ടതുണ്ട്.

രാജ്യത്ത് തന്നെ നിർമ്മിക്കാൻ കഴിയുന്നതെന്തും ഇവിടെ നിർമിക്കണം. കേന്ദ്രവും സംസ്ഥാനങ്ങളും ഒരുമിച്ച് മുന്നോട്ട് പോകുമ്പോൾ സ്വാശ്രയ ഇന്ത്യ രൂപീകരിക്കപ്പെടും–മോദി പറഞ്ഞു.