ആഹാരം വാ​ഗ്ദാനം ചെയ്ത് കാറിൽ കയറ്റി; 15കാരിയെ കൂട്ടബലാത്സംഗം ചെയ്തു, അഞ്ച് പേർ അറസ്റ്റിൽ

​ഗുവാഹത്തി: ഓടുന്ന കാറിൽ 15 വയസുകാരി കൂട്ടബലാത്സം​ഗത്തിരയായി. സംഭവത്തിൽ അഞ്ച് പേർ അറസ്റ്റിലായി. ബിശ്വനാഥ് ജില്ലയിലാണ് ദാരുണ സംഭവം നടന്നത്. ആഹാരം വാ​ഗ്ദാനം ചെയ്താണ് തന്നെ കാറിൽ കയറ്റിയതെന്നും പിന്നീട് കൂട്ടമായി ബലാത്സം​ഗം ചെയ്യുകയായിരുന്നുവെന്നും പെൺകുട്ടി പറഞ്ഞു.

ഒന്നിലേറെ പുരുഷന്മാർ പലതവണ തന്നെ പീഡ‍നത്തിനിരയാക്കിയതായി പെൺകുട്ടി വെളിപ്പെടുത്തി. ഓടുന്ന കാറ് കണ്ട് സംശയം തോന്നിയ നാട്ടുകാരാണ് വാഹനം തടഞ്ഞുനിർത്തി പെൺകുട്ടിയെ രക്ഷപ്പെടുത്തിയത്. അർധന​ഗ്നമായ നിലയിലായിരുന്നു പെൺകുട്ടി. അറസ്റ്റിലായവരെ കോടതിയിൽ ഹാജരാക്കി റിമാൻഡ് ചെയ്തു. സംഭവ സമയത്ത് ഇവർ ഉപയോഗിച്ചിരുന്ന വാഹനം പിടിച്ചെടുത്തതായി ബിശ്വനാഥ് അഡീഷനൽ പൊലീസ് സൂപ്രണ്ട് ദീപ്തി മാലി പറഞ്ഞു. പോക്സോ നിയമപ്രകാരം കേസ് രജിസ്റ്റർ ചെയ്തു.