ജയ്പൂരിലെ ആശുപത്രിയിൽ തീ പടർന്നു; എട്ട് രോ​​ഗികൾ വെന്തുമരിച്ചു

ജയ്പൂർ: ജയ്പൂരിലെ ആശുപത്രിയിൽ ​ഗുരുതരാവസ്ഥയിൽ കഴിഞ്ഞിരുന്ന എട്ട് രോ​​ഗികൾ തീപിടിത്തിൽ വെന്തുമരിച്ചു. ജയ്പൂരിലെ സർക്കാർ ആശുപത്രിയായ സവാൻ മാൻ സിം​ഗ് ആശുപത്രിയിലെ ട്രോമ കെയർ വിഭാ​ഗത്തിലാണ് ഞായറാഴ്ച രാത്രി തീ പടർന്നത്.

സ്റ്റോറേജ് പ്രദേശത്താണ് തീ പടർന്നത്. 11 രോ​ഗികളാണ് അപകടമുണ്ടായ സമയത്ത് ഐസിയു വിൽ ഉണ്ടായിരുന്നതെന്ന് ട്രോമ കെയർ ചാർ‌ജുണ്ടായിരുന്ന ഡോ. അനുരാ​ഗ് ദക്കദ് പറഞ്ഞു. ഷോർട്ട് സർക‍്യൂട്ട് ആണ് അപകട കാരണമെന്നാണ് വിലയിരുത്തൽ.

മരിച്ച പിന്റു(സികാർ), ദിലിപ്( ആന്ദി(ജയ്പൂർ), ശ്രീനാഥ്, രു​ഗ്മിണി, ഖുർമ(ഭരത്പൂർ) എന്നിവരെ തിരിച്ചറിഞ്ഞു. 14 പേരെ മറ്റൊരു ഐസിയിവിൽ പ്രവേശിപ്പിച്ചിരിക്കുകയായിരുന്നു. ഇവരെ കൃത്യസമയത്ത് തന്നെ സുരക്ഷിത സ്ഥാനങ്ങളിലേക്ക് മാറ്റാനായിട്ടുണ്ടെന്നും ഡോ.ദക്കദ് പറഞ്ഞു