സാമ്പത്തിക തിരിമറിക്കേസ്: എഎപിയുടെ മുൻ ആരോ​ഗ്യമന്ത്രിയുടെ വീട്ടിൽ ഇ ഡി റെയ്ഡ്

ന്യൂഡൽഹി: ആം ആദ്മി പാർടി നേതാവും മുൻ എംഎൽഎയുമായ സൗരഭ് ഭരദ്വാജിന്റെ വസതിയിൽ എൻഫോഴ്സ്മെന്റ് ഡയറക്ടറേറ്റിന്റെ (ഇ ഡി) പരിശോധന. ഡൽഹിയിലെ ആശുപത്രി നിർമാണ പദ്ധതിയിലെ ക്രമക്കേടുമായി ബന്ധപ്പെട്ടാണ് പരിശോധന. മുതിർന്ന നേതാവായ സൗരഭ് മുൻപ് ആം ആദ്മി മന്ത്രിസഭയിൽ ആരോ​ഗ്യ, ന​ഗര വികസന, ജലവിഭവ വകുപ്പുകൾ കൈകാര്യം ചെയ്തിട്ടുണ്ട്.

ഡൽഹി-എൻസിആർ മേഖലയിൽ 13 വ്യത്യസ്ത പ്രദേശങ്ങളിലാണ് ഇ ഡി പരിശോധന നടത്തുന്നത്. സൗരഭ് ഭരദ്വാജിനെയും സ്വകാര്യ കോൺട്രാക്ടർമാരെയും ചില സർക്കാർ ഉദ്യോ​ഗസ്ഥരെയും പ്രതികളാക്കി ഡൽഹി പൊലീസാണ് കേസെടുത്തത്. എന്നാല്‍ കേസ് രാഷ്ട്രീയപ്രേരിതമാണെന്നും കെട്ടിച്ചമച്ചതാണെന്നും എഎപി കേന്ദ്രങ്ങള്‍ പ്രതികരിച്ചു.