ജസ്റ്റിസ് കെ വിനോദ് ചന്ദ്രനെ സുപ്രീംകോടതി ജഡ്ജിയായി കൊളീജിയം ശുപാർശ ചെയ്തു

ന്യൂഡൽഹി : പട്‌ന ഹൈക്കോടതി ചീഫ് ജസ്റ്റിസ്‌ കെ വിനോദ് ചന്ദ്രനെ സുപ്രീം കോടതി ജഡ്ജിയായി നിയമിക്കാൻ കൊളീജിയം ശുപാർശ ചെയ്തു. സുപ്രീംകോടതി ചീഫ് ജസ്റ്റിസ് സഞ്ജീവ് ഖന്ന അധ്യക്ഷനായ

കൊളീജിയമാണ് ഈ ശുപാർശ നടത്തിയത്. നോർത്ത്‌ പറവൂർ സ്വദേശിയാണ്‌.

2011 നവംബറിൽ കേരളാ ഹൈക്കോടതി ജഡ്ജിയായ അദ്ദേഹം 2023 മാർച്ച് 23-നാണ്‌ പട്‌ന ഹൈക്കോടതി ചീഫ് ജസ്റ്റിസായി ചുമതലയേൽക്കുന്നത്‌. അഞ്ചംഗ കൊളീജിയം ചൊവ്വാഴ്ച ചേർന്ന യോഗത്തിലാണ് ശുപാർശ ചെയ്‌തത്‌. 11 വർഷത്തിലേറെയായി ഹൈക്കോടതി ജഡ്ജിയായും, ചീഫ് ജസ്റ്റിസായും സേവന മനുഷ്ഠിച്ച അദ്ദേഹം ഹൈക്കോടതി ജഡ്ജിമാരുടെ അഖിലേന്ത്യാ സീനിയോറിറ്റി പട്ടികയിൽ 13-ാം സ്ഥാനത്താണ്. കൊളീജിയം ശുപാർശ കേന്ദ്ര സർക്കാർ അംഗീകരിച്ചാൽ ജസ്റ്റിസ് വിനോദ് ചന്ദ്രൻ്റെ നിയമന ഉത്തരവ് ഉടൻ പുറത്തിറങ്ങും. കേരളാ ലോ അക്കാദമി ലോ കോളേജിൽ നിന്നും നിയമ ബിരുദം നേടിയ ജസ്റ്റിസ് വിനോദ് ചന്ദ്രൻ തന്റെ അഭിഭാഷക ജീവിതം ആരംഭിക്കുന്നത്‌ 1991ലാണ്‌.