print edition ബിജെപിയിലെത്തിയത് കോൺഗ്രസിന്റെ 9 മുഖ്യമന്ത്രിമാർ

വെബ് ഡെസ്ക്

Published on Mar 28, 2026, 09:12 AM | 2 min read

കോൺഗ്രസിന്റെ 10 മുഖ്യമന്ത്രിമാരാണ്‌ പാർടി വിട്ടത്‌. ഇതിൽ ഗുലാംനബി ആസാദ് ഒഴികെ ഒമ്പത്‌ പേരും ബിജെപി പാളയത്തിലെത്തി. 2014നും 2022നും ഇടയ്ക്ക്‌ കോൺഗ്രസ്‌ എംപിമാരും എംഎൽഎമാരുമായ 173 പേരാണ്‌ രായ്ക്കുരാമാനം രാജിവച്ച്‌ ബിജെപി പാളയത്തിൽ ചേക്കേറിയത്‌.

അശോക്‌ ചൗഹാൻ (മഹാരാഷ്ട്ര) - മഹാരാഷ്ട്ര മുന്‍മുഖ്യമന്ത്രിയും മുതിര്‍ന്ന കോണ്‍ഗ്രസ് നേതാവുമായിരുന്നു.

കിരൺകുമാർ റെഡ്ഡി (ആന്ധ്ര) - അവിഭക്ത ആന്ധ്രയുടെ അവസാനത്തെ മുഖ്യമന്ത്രി.

ദിഗംബർ കാമത്ത് (ഗോവ) - രണ്ടുതവണ കോൺഗ്രസ്‌ വിട്ട്‌ ബിജെപിയിൽ ചേർന്നയാളാണ്‌ 2007 മുതൽ 2012 വരെ ഗോവ മുഖ്യമന്ത്രിയായിരുന്ന കാമത്ത്‌.

രവി നായിക് (ഗോവ) - രണ്ടുതവണ ഗോവ മുഖ്യമന്ത്രി. 2021ൽ ബിജെപിയിലേക്ക്‌ ചേക്കേറി. രണ്ടുമക്കളും ബിജെപിയിലെത്തി.

വിജയ് ബഹുഗുണ (ഉത്തരാഖണ്ഡ്) - ഉത്തരാഖണ്ഡ് മുൻ മുഖ്യമന്ത്രി വിജയ് ബഹുഗുണ എട്ട് കോൺഗ്രസ്‌ എംഎൽഎമാർക്കൊപ്പം ബിജെപിയിൽ ചേർന്നു.

എൻ ഡി തിവാരി (ഉത്തരാഖണ്ഡ്) - മുൻ ഉത്തരാഖണ്ഡ്, ഉത്തർപ്രദേശ് മുഖ്യമന്ത്രി നാരായൺദത്ത് തിവാരി 2017 ജനുവരിയിലാണ്‌ മകൻ രോഹിത് ശേഖറിനൊപ്പം ബിജെപിയിൽ ചേർന്നത്‌.

അമരീന്ദർ സിങ്‌- (പഞ്ചാബ്‌) - പഞ്ചാബ്‌ മുൻ മുഖ്യമന്ത്രി അമരീന്ദർ സിങ്‌ കോൺഗ്രസിൽ നിന്ന്‌ രാജിവച്ചശേഷം പഞ്ചാബ് ലോക് കോൺഗ്രസ് പാർടി രൂപീകരിച്ചു. പിന്നീട്‌ ബിജെപിയിൽ ലയിച്ചു.

എസ്‌ എം കൃഷ്ണ (കർണാടക) - കർണാടക മുഖ്യമന്ത്രിയും കേന്ദ്ര വിദേശമന്ത്രിയായിരുന്നൂ. കോൺഗ്രസ്‌ പ്രവർത്തകസമിതി അംഗമായിരിക്കെയാണ്‌ ബിജെപിയിലേക്ക്‌ പോയത്‌.

പേമ ഖണ്ഡു (അരുണാചൽപ്രദേശ്‌) - അരുണാചൽപ്രദേശ്‌ നിയമസഭയിൽ കോൺഗ്രസിനുണ്ടായിരുന്ന 44 എംഎൽഎമാരിൽ 43പേരും 2016ൽ പാർടി വിട്ടതോടെ്‌ ഭരണം നഷ്ടമായി. നിലവിൽ ബിജെപി മുഖ്യമന്ത്രിയാണ്‌ പേമ.