പഞ്ചാബിൽ കാറും ട്രക്കും കൂട്ടിയിടിച്ചു: കുട്ടികൾ ഉൾപ്പടെ 5 മരണം

Photo: NDTV
ചണ്ഡീഗഡ്: പഞ്ചാബിൽ കാറും ട്രക്കും കൂട്ടിയിടിച്ചുണ്ടായ അപകടത്തിൽ മൂന്നു കുട്ടികൾ ഉൾപ്പടെ അഞ്ചുപേർക്ക് ദാരുണാന്ത്യം. 11 പേർക്ക് അപകടത്തിൽ സാരമായി പരിക്കേറ്റു. രണ്ടു പേരുടെ നില ഗുരുതരമെന്നാണ് ലഭിക്കുന്ന വിവരം. ദേസോ ബായി, സച്ചിൻ, ജൗൻ, മൻപ്രീത്, ഗുർലീൻ കൗർ എന്നിവരാണ് മരിച്ചത്. ഞായർ വൈകീട്ട് തെഹ് കലന്ദർ ഗ്രാമത്തിനു സമീപത്താണ് അപകടമുണ്ടായത്.
വിവാഹചടങ്ങിൽ പങ്കെടുത്ത് മടങ്ങിയ സംഘമാണ് അപകടത്തിൽപ്പെട്ടത്. പരിക്കേറ്റവരെ ഫാസിൽക്ക സർക്കാർ ആശുപത്രിയിൽ പ്രവേശിപ്പിച്ചു. ഇടിയുടെ ആഘാതത്തിൽ വാഹനം പൂർണമായും തകർന്നു. ഓടിയെത്തിയ പ്രദേശവാസികളും നാട്ടുകാരും ചേർന്നാണ് രക്ഷാപ്രവർത്തനം നടത്തിയത്.









0 comments